Bisaya ang labing unang Pinoy Idol

Si Gretchen Stephanie Espina from Biliran ang midaug isip first ever Pinoy Idol sa GMA-7 sa gihigayon nga grand finals night sa SM Mall of Asia. Si Jayann Bautista of Pampanga maoy natigi ni Gretchen sa final showdown sanglit si Ram Chaves man ang unang natagak human sa first gap. Final song nilang duha ang “To You” nga composition sa Idol judge nga si Ogie Alcasid ug gi-arrange ni Danny Tan. Mihilak si Jayann human niya og kanta samtang confident kaayo ang rendition ni Gretchen.Migawas nga ang text votes gyud maoy naghari matud pa sa maong kadaugan ni Gretchen. Si Gretchen ang bugtong finalist nga wa gyud malakip sa bottom three sukad masukad. Kahinumduman nga gi-question usab sa mga himantayon ang pagkalakip ni Gretchen sa Final 3, kay matud pa tungud lamang kini sa iyang amahan nga gobernador sa Biliran. Pero ang mga himantayon nagkauyon pod nga kagabii maoy labing maayong performance nga gipakita ni Gretchen, hinungdan nga ang tulo ka judges—Jolina Magdangal, Wyngard Tracy ug Ogie—mihulagway ni Gretchen isip “revelation” ug  “champion.”