Pokwang binakid pay  kan-on una maapsan si Ai Ai

Hugtanon nga gihimakak sa komedyanteng aktres nga si Pokwang ang nanggawas nga mga tsismis kabahin sa isyu nga wala sila magtinagdanay sa Comedy Queen nga si Ai-ai dela Alas atol sa taping sa ika-80 nga adlaw’ng natawhan ni Dolphy nga gipahigayon sa Meralco Theatre sa miaging semana. “Kilala mo naman ako,” ni Pokwang pa ngadto sa Pang-Masa.

“Kahit nga pinakamaliit na tao sa production, ako pa ang unang bumabati, si Ms. AiAi pa kaya? Nagkita kami. Hi and hello. Since busy kami preparing for our numbers, hindi kami nagkausap. Aminado ako, hindi pa talaga kami nagkaroon ng chance na makapag-usap ng matagal.” Midungag usab si Pokwang nga dako kaayo siyag respeto ni Ai-ai, “Ano pa mang klase ng comedy mero’n kami, my respect for her will remain. Malaki na ang accomplishments ni Ms. AiAi kumpara sa akin. Malayo pa ang lalakbayin ko bago ko marating ang kalahati man lang ng narating niya.”  Samtang, mipadayag ngadto sa PangMasa ang nahisgutang komedyanteng aktres nga nanghinaot siya nga dili na padakuon pa ang maong isyu tungod kay gamay ra kaayo ang kalibutan sa showbiz aron isabong pa sila. Ug kauban pa gyud sila sa usa ka network.

Lani mag-raid sa ABS-CBN shows

Tulo ka semana ang gigahin nga bakasyon sa singer nga si Lani Misalucha kansang miabot sa nasod niadtong Martes ug kauban niini ang iyang bana ug duha ka mga anak.  Sa nasagap nga tsika sa PangMasa nga libuton sa nahisgutang singer ang nagkalain-laing mga programa sa ABS-CBN. Sa first week niini diri sa nasod, mohimo kinig series of recordings para sa iyang CD nga gidumala sa Universal Records. Ug karong umaabot nga Domingo, naghuwat ang usa ka hugyaw nga welcome celebration sa ASAP ug The Buzz alang kang Lani.  Samtang, mo-guest usab ang nahisgutan sa Sharon, Entertainment Live, Boy & Kris ug sa The Singing Bee. Ug buhaton usab ni Lani ang shooting sa video sa teleserye ni Claudine, ang Iisa Pa Lamang kansang siya ang mikanta niini. Nagpaabot usab sa nahisgutang singer ang ilang rehearsal ni Regine Velasquez alang sa ilang show nga ipahigayon sa States sa umaabot nga Septiyembre.

Gabby gibansay og voice coach

Adunay umaabot nga debut album ang gwapong aktor nga si Gabby Concepcion ug ubos kini sa pagdumala sa Warner Music Philippines. “Pakanta-kanta lang ako sa banyo at okey naman ang boses ko dahil nag-e-echo. Noong kinakanta ko pa ang awiting Come What May ay nagbibinata na ako pero ngayon mas lumalim ang boses ko. Bilang paghahanda sa aking album ay sumailalim ako sa pagtuturo ng aking voice coach. Noon nga ’di ko inaasahan na maging artista, kumanta pa. But now, nahasa naman ang boses ko,” ni Gabby pa. Giangkon usab sa nahisgutang aktor nga wala silay giimbita nga mga sikat nga singers nga mokanta sa maong debut album gawas kang Nina nga maoy iyang ka-duet sa Come What May. Gilikayan usab ni Gabby ang pagtubag sa mga pangutana nga gibato kaniya sa Pang-Masa kalabot sa iyang ex-wife nga si Sharon Cuneta. Hinuon nag-laom siya nga makauban ang iyang anak nga si KC Concep-cion sulod sa tibuok adlaw. Samtang, 12 ka mga kanta ang sulod sa debut album ni Gabby, ang Iisa Pa Lamang, Nakapagtataka, When I Met You, Sana ay Ikaw na Nga, Come What May, Ako Pa Ba? Just Once, Give Me a Chance, Kung Kailangan Mo Ako, Hanggang, Please Forgive Me ug Manila (Awitin Mo… Isasayaw Ko).