Kun unsa si Katrina Halili karon, resulta kini sa iyang kakugihan. Bisan dili siya ang Star Struck big winner, wala kini mahimong babag aron siya mosikat. Inubanan sa dakong swerte, usa si Katrina karon sa mga pinangita ug gipangandoy nga lading-lady. Nagpusot-pusot usab ang mga endorsement offers ngadto kaniya, gawas nga daghang mga movie outfits nga nangulitawo aron makapirma siya’g kontrata tali kanila. Pero maayo kaayog baroganan ang aktres kay dili lang siya tira-pasagad. Gusto niyang pili-on ang mga opportunities diin maka-touch siya sa kinabuhi sa uban, susama nga katarungan sa dihang gidawat niya ang tanyag isip endorser sa Olive-C. Duyog sa iyang sunud-sunod nga kalamposan, buot sudlon ni Katrina ang natad sa fashion. Buksan kini pinaagi sa iyang kaugalingong linya sa lingerie designs nga may trademark nga Playmates. Swerte ang mga Sugbu-anon kay nawong nilang makita si Katrina nga magsul-ob sa iyang mga lingerie designs karong Sept. 20 sa fashion show for a cause nga giuloha’g Kat’s Fantasies: A Sexy September Affair dalit kanato sa CREWorks Asia ug Psalmstre Ent. Plantsado na ang ilang pagpangandam alang niining dakong pasundayag. For ticket inquiries kontaka lang ang 255-1077. Matud pa sa mga fashion analysts, “Katrina has the influence to market her fashion items. She’s one fashion icon so it would be easy for her to compete.” Busa unsa pa’y inyong gihuwat? Palit na’g ticket basin mahutdan ka.