Blackout: Gimik, paukyab, agaw eksena
Nagkadaiyang eksena, gimik ug paukyab ang gibuhat sa mga models ug celebrities nga mirampa sa Bench’s Blackout Denim and Underwear Show sa Araneta Coliseum niadtong Biyernes sa gabii, aron dili sila matabunan sa kasanag sa mga bituon sa mga ginganlan og Richard Gutierrez, Dingdong Dantes, Richard Gomez, Sam Milby, Diether Ocampo, Jake Cuenca ug sa sikat nga magka-loveteam nga sila Gerald Anderson ug Kim Chiu. Ang mga nahisgutan maoy nakaangkon sa labing lanog nga pakpak.
Nakapahat pod og pagdayeg sila si JC de Vera ug Enchong Dee, kinsa mirampa nga topless ug nag low-cut jeans; milugwa pod ang mga Pinoy Big Brother (PBB) Teen Edition Plus housemates nga sila si Robi Domingo and Ejay Falcon; ug ang top three winners sa Be Bench nga sila Carlo Guevara, Ron Morales, ug John James Uy.
Apil pod sa mihakot og pakpak ang PBB 2 housemate nga si Kian Kazemi, diin miambak-ambik sa stage ug daw nanintal sa crowd pinaagi sa paghapuhap sa iyang lower part.
Si Bruce Quebral, wala kaayo mabantayi dihang mirampa apan dihang gipakita na niya ang iyang brief diin naaninaw ang pubic hair, nagkagubot ang mga tawo.
Si Ryan Eigenmann, gikagubtan pod tungod kay sa labing unang higayon, mihubo kini sa iyang sapot.
Apan dihay mga artista nga mingaw pa sa tungang gabii ang pagrampa tungod kay wala gyod gani sila mailhi sama nila ni Star Magic talent Benj Besa, ug StarStruck Avengers Chad Burden ug Bugz Daigo.
Sa mga isog gyod og buot, si Rafael Rosell ang nakakuha sa labing lanog nga pakpak tungod kay matod pa mirampa kini nga igo rang gisapupo ang iyang atubangan sa iyang mga kamot.
Wala na kaayo’y kisaw sa pagrampa sa mga kanhi favorites nga sila si Wendell Ramos, Antonio Aquitania, ug Jomari Yllana—gani wala na sila mangilog pa og eksena ug normal ra nga mipaso. Ang mga newcomers nga sila si Josh Ivan Morales, Gabz Del Rosario, Johnron Tañada, ug Niko Arellano nga mga bida sa gay-themed movies nga Ang Lihim Ni Antonio ug Kambyo, wa pod kagubti.
Si Jake misuway og kawat og eksena pinaagi sa pagkuot-kuot sa iyang bugan, apan mas nahugyaw ang mga tawo sa gimmick ni Diet diin gipakita ang ngilit sa iyang sampot.
Dingdong naghubo
Maisip nga ‘baptism of fire” ni Dingdong Dantes ang iyang pagrampa, diin gihugyawan siya sa mga tawo apan niya pa wala niya madungog tungod kay mi-focus siya sa iyang gibuhat.
“This is part of what I am here for sa fashion na ito. I am the endorser of Bench Body at dapat lang siguro na makita nila ako wearing the product’s underwear,” ni Dingdong pa, kinsa gikagubtan og maayo dihang iyang gihubo ang iyang denims ug mao nalay nahibilin ang iyang brief..
“Ini-expect ko na mangyari ‘yan talaga. But I am happy na natupad ko ang wish ng iba na mapanood ako sa ganitong klaseng fashion show. Isa nga ang Bench sa masasabing pioneer sa ganitong klaseng shows sa atin. It’s an honor to be part of it and to be an endorser of their product.”
Samtang ang uyab ni Dingdong nga si Karylle
“I was shocked talaga, hindi ko alam na ganito ang magiging impact ng pagsampa ni Dong sa stage. I was here din sa Big Dome during his rehearsal and I’ve seen him work out talaga to look his best. Alam ko na ninenerbiyos siya but I told him na relax and have fun. It’s his first time to do it kaya kailangan memorable ang lahat ng gagawin niya ngayong gabi,” nagkanayon si Karylle.
Niya pa, “I’m proud of the show because it was done in good taste and I’m proud of Dong because he really worked out for this show. Nakakatuwa naman that the whole Araneta Coliseum really cheered for Dong. I am so happy for him talaga.”
Piolo wala mulugwa sa Big Dome
Diriyot mahagbong sa stage si Jomari Yllana tungod kay sa ngilit na ang iyang natumban, maayo nalang kay dali siya nga nakabalanse.
Nanglabay og underwear si Marco Alcaraz samtang nagrampa, pero walay interesado nga mipunit niini. Taod-taod
Gikatahong nakainom si John Estrada atol sa iyang pagrampa sa stage sa Bench, hinungdan nga hinay ang lihok niini sa stage kay nahadlok nga matumba.
Nasagmuyo ang audience sa dihang walay Piolo Pascual nga mirampa sa finale, nabalitaan nga kini miback out sa fashion show tungod for personal reason matod pa. Si Richard ang milugwa sa grand finale.
- Latest
