Isa ang boyfriend niyang si Joe Oconer sa in-acknowledge ni Ciara Anna Sotto sa kanyang If You Love Me album, kasama ang kanyang pamilya, kamag-anak at kaibigan. Espesyal ang message nito sa BF at sabi ni Ciara: “Joe-I want to thank you for all the support, the love, and patience. Thank you for coming and staying in my life. My love story ends with you…”
Ipinagmalaki ni Ciara na sa kaso nila, long distance relationship works ay malaki ang tulong ng computer at Skycape sa kanila. Araw-araw silang nagkakausap, pero hindi niya ito makita ng personal at hindi mayakap.
Umuwi si Ciara para i-launch ang kanyang 15-track album na distributed by SonyBMG at kinapapalooban ng old Tagalog and English songs.
Guests ni Ciara sa album ang amang si Tito Sotto, Vic Sotto at Joey de Leon na kasama niyang kumanta ng Charade at Some Enchanted Evening.
* * *
Set-up kung set-up ang description ng press sa bonggang presscon ng Codename: Asero na ginawa sa AFP Theater. May drama ang presscon at may special appearance ang isang tangke na akala namin, dederetso sa stage. Kaya, pala kinailangan ang malaking stage.
Walang tumutol sa sinabi ni Ms. Wilma Galvante na ito ang most expensive series ng GMA-7 at nang ipa-aprub nila ang budget kay Atty. Gozon, idinepensa nila kung bakit gagastos sila ng malaki. Sa July 14, mapapanood na ang first-ever sci-fi romantic movie on TV na bida si Richard Gutierrez na paulit-ulit ang pagsasabing “I’m very, very proud of this show” at nangakong gagawin ang lahat para mapaganda pa ang Codename: Asero na puno ng action.
Sabi ni Richard, sa TV lang siya mag-a-action at sa movies, rom-com o romance-comedy ang gagawin para hindi magsawa sa kanya ang tao. Gusto nga nitong makasama si Robin Padilla sa mga susunod niyang show sa Ch. 7 at ngayon pa lang, dapat nang paghandaan ng network ang budget nang pagsasamahang show ng dalawa’t tiyak na madugo ang budget.
* * *
Isa sa mga aabangang eksena sa Codename: Asero ang belly dancing ni Heart Evangelista na ginawa rin nito sa presscon ng action-adventure series.
Pinansin ang tila paglusog ng dibdib ng actress sa suot na belly dancing costume at akala’y, nagpalaki siya ng boobs na itinanggi nito.
May ginagamit daw siyang Victoria’s Secret bra na ‘pag suot ay lumalaki ang boobs at ginagamit niya ‘yun for special occasion lang.
After her dance number, inalis ni Heart ang bra, kaya back to normal ang size ng kanyang boobs.
Kinumpirma rin ni Heart na siya ang bagong endorser ng Centrum at pumalit kay Angel Locsin.
Ang alam nito’y umeere na ang TVC ng multi-vitamins, pero sabi namin, mga mata palang niya ang ipinapakita.
* * *
Naging emotional si direk Laurice Guillen nang amining touched siya sa pagbabalik niya bilang actress sa Iisa Pa Lamang ng ABS-CBN. Hindi lang daw si Gabby Concepcion ang comebacking dito, pati rin siya na ang huling labas as an actress ay sa original Flordeluna pa.
Ikinuwento nitong sobra ang kaba niya sa first taping day niya at takot na takot mabulol sa delivery ng kanyang lines. Para raw siyang first timer at nakatulong para itago ang kaba niya ang dalang pamaypay na ginamit niya sa eksena.
Kasama rin si direk Laurice sa cast ng drama-teleserye na nag-workshop bilang paghahanda sa taping at magandang experience sa kanya ‘yun.