Sumpa ni Yasmien, ‘vegetarian ako’

Pagkakataon na ng mga  mhin na makita nang personal si Diana Zubiri mamayang hapon sa Robinson’s Galleria Movieworld dahil may autograph signing siya para sa FHM.

Si Diana ang cover girl ng July 2008 edition ng FHM at nagpista ang mga kalalakihan dahil hubad na hubad siya  sa litrato na nakita ko.

 May tsismis na binura lang daw sa computer ang bikini ni Diana para palabasin na burles siya pero dedma ang mga mhin. May damit man o wala, na-excite sila sa seksing pictorial ni Diana na hindi na nagpapaseksi sa pelikula at TV.

* * *

Nakita kahapon sa canteen ng GMA 7 ang mga finalist ng Pinoy Idol. Nagulat ang mga naka-sight sa kanila dahil nagkaroon na sila ng star aura.

 ‘Yan ang nagagawa ng araw-araw na exposure sa TV. Nagiging instant star sila dahil nadaragdagan ang kanilang mga self-confidence.

Natsugi na nga pala sa show ang aspiring Pinoy Idol na si Robby Navarro. May mga umiyak sa mga contestant nang mag-goodbye si Robby. Si DJ Durano ang naalaala ko kapag napapanood ko sa TV si Robby. Magkamukha sila at puwedeng mapag­ka­­malan na magkapatid.

Aspiring singer din si DJ. Ipinag-produce pa nga siya ng record album ng isang friend. Ewan ko lang kung  naging platinum ang debut album ni DJ na ever-present sa mga project ng direktor na si Wenn Deramas.

* * *

Dear Friend pala ang pamagat ng bagong show nina Marvin Agustin at Jolina Magdangal sa GMA7.

Sila ang mga host ng show na ipapalit sa Tasya Fantasya kapag nagtapos na ito. Magbibigay ng payo sina Marvin at Jolina sa mga letter sender na ida-dramatize sa TV ang mga buhay. Mapapanood ang Dear Friend tuwing Linggo nang hapon, pagkatapos ng SOP.

* * *

Sumusumpa si Yasmien Kurdi na vegetarian siya, kesehodang lie ang resulta ng lie-detector machine nang sumalang ako at tanungin kung true ang pagiging vegetarian ng aking alaga.

Kung may isip at damdamin ang lie-detector machine, tiyak na hindi sila bati ni Yasmien.

Cry si Yasmien nang isalang siya noon sa Don’t Lie To Me segment dahil nagsasabi raw siya nang totoo pero lie ang resulta ng lie-detector machine. Ayoko nang problemahin ang vegetarian issue laban kay Yasmien.

Mabuti sa katawan ang madalas na pagkain ng gulay at ang pagiging malusog ang epekto kay Yasmien ng kanyang pagiging vegan. Hindi lahat ng vegetarian eh payat !

Hindi natin dapat kalimutan na may foreign blood si Yasmien. Lebanese ang kanyang ama at dito niya siguro namana ang pagiging healthy!