Gumanda nang bumalik sa Korea

Seen:  Ang headline tungkol sa plano ni Sunshine Cruz na mag-file ng annulment upang mapawalang-bisa ang kasal nila ni Cesar Montano. Ginagawa ito at hindi ginagamit na ‘press release.’ Hindi makakatulong ang ginagawa ni Sunshine na pagsasalita tungkol sa estado ng relasyon nila ng kanyang asawa upang malutas ang kanilang mga personal na problema.

Scene: Malabong mangyari ang kagustuhan ni Ara na makabalik sa Bubble Gang. Mainit na mainit pa ang network war. Pinahaha­lagahan ngayon ng mga TV network ang loyalty ng mga artista.

Seen: Ang Facebook account ni Rhian Ramos na kanyang isinara. Huli na ang ginawa ni Rhian dahil kumalat na sa Internet ang kanyang mensahe sa fans na namumutiktik ng mga salita na malaswang basahin at pakinggan.

Scene: Mga TV personality na hindi mapigilan ang pagtaba: Francine Prieto, Kat de Castro, Sunshine Dizon, Martin Nievera at Raymond Gutierrez.  

Seen:  Ang  litrato ni Sandara Park sa kanyang Facebook account.  Naging beautiful si Sandara mula nang bumalik siya sa Korea at buong-puso niyang tinanggap na wala na siyang showbiz career sa Pilipinas.

Scene: Pinataba si Regine Velasquez sa Kim Samsoon. Pina­ga­mit siya ng ‘fat suit’ upang magkaroon ng pagkakaiba ang kanyang personalidad sa karakter niya as Kim. Matabang tingnan sa telebisyon si Regine ngunit hindi siya malusog sa personal.

Seen: Ang uncomfortable na si Piolo Pascual nang mag-guest ito sa The Buzz noong Linggo at tuksuhin siya kay Ruffa Gutierrez. Secret crush daw ni Piolo si Ruffa ngunit walang ‘magic’ na naramda­man ang manonood nang magharap sila sa The Buzz.