Pag-abot namo ni Dulce sa lungsod sa Liloan, giingnan nako siya nga kinahanglang motan-aw gyod siya sa tinud-anay gyong “Bridge Over Troubled Waters,” ang suba sa Liloan diin, mag-lilo gyod ang tubig nga duol sa ancestral home nilang Pilar Pilapil ug Freeman Lifestyle writer Ricky Pilapil. Kini tungod kay pag-adto namo sa Loay, Bohol alang sa duha ka gabii namong show kauban sila si Chad Borja ug Mandy Ochoa [best friend sa pag-umangkon nako nga si Ace Espinosa], miagi mi sa century old Baclayon church ug yes, mga yadzz, diin mahimutang ang tulay nga project sa DPWH nga pila na ka tuig, wa mahuman, ug dili gyod mahuman, tungod kay gibabagan gyod sa taga Baclayon, kay ang tulay, paagion man sa simbahan, busa gub-on ang simbahan [di ba mga wayok, mga Yadzz?]. Matud pang Dulce, “bisa’g ako kun duna tingali rally diha, moapil ko’g rally, kay heritage intawon kanang simbahan”
Ang kontrobersyal, gipasagdan na lang gyod ang tulay ug nahimo na hinoong landmark [maraming salamat, DPWH], gihinganlan ni Dulce og “Troubled Bridge Over Water” samtang ang tulay sa Liloan, nagpabiling “Bridge Over Troubled Waters”
Nahugyaw man god mi’s Dulce, kay sa pag-audition niya sa among show ni Justo C. Justo kaniadto sa yess, mga yadzz, GMA-7, nga nag-ulohan og “JJ’S CLOSE-UP” ang gikanta ni Dulce, [hold your breath], mao man ang awit nga, “Bridge Over Troubled Waters.” Ma-take ninyo kana?
Anyway, mga Yadzz, wa matagbaw og suroy si Dulce sa Liloan ug wa siya kaadto’s PAROLA, busa, misaad nga mosuroy jud siya inigbalik niya. Inigkabasa ninyo ani, nakabalik na tingali siya’g suroy, kay nagsabot man sila’s maam Fe Barino ug maam Minda Villacastin nga manuroy sila sa May 22, kay may show man si Dulce sa Pacific Ballroom sa Waterfront Hotel- Lahug last May 23.