Regine Velasquez

Magkalagyo na usab pagbalik sila si Regine Velasquez ug Ogie Alcasid tungod kay sa May 24, naa sa Las Vegas na si Regine Velasquez, para sa mga nagbaha niya nga mga shows sa mga hotel ug casino sa maong dapit, samtang dili usab makakuyog si  Ogie kay busy man usab kini sa iyang mga show sa GMA-7  ilabi na nga sa maong panahon  magsugod na ang  live presentation sa Pinoy Idol diin usa siya sa mga judge niini.  Bisan pa man sa maong mga lakaw ni Regine, wa maguol  si direk Louie Ignacio ug ang production staff sa musical show  ni Regine nga Songbird tungod kay nakatigom na sila og mga episodes alang sa slot niini matag Thursday . Karon na’ng gabii ang pilot telecast sa maong programa.

Greatest Hits of the ’80 Concert

Subling magkauban sila si Louie Heredia, Raymond Lauchengco, Gino Padilla ug Randy Santiago para sa Greatest Hits of the ‘80’s concert, sa Music Museum sugod ugma ug sa Sabado. Ubos kini sa Viva Concerts & Events ni Boss Vic Del Rosario kinsa nadasig tungod sa kalampusan sa The Golden Divas nila Pilita Corrales, Carmen  Soriano ug Carmen Pateña busa nakahunahuna niining maong event.  Awiton sa mga singers ang ilang mga hit songs kaniadto sama sa  Nag-iisang Ikaw ni Louie; Let The Love Begin ni Gino; Saan Darating ang Umaga ni Raymond; Babaero ni Randy; aduna po’y impersonations ang upat  nila ni Michael Jackson, Boy George, Prince ug Robi Rosa sa Menudo.  Very special guest usab nila sa maong concert si Rachelle Ann Go. 

Magdusa Ka

Nagpasalamat sila si Dennis Trillo ug Katrina Halili tungod sa taas nga rating nga nakuha sa ilang  first team-up sa Sinenovela sa GMA-7 nga Magdusa Ka. Busa  komedya pa nila “hindi pala nagdusa” tungod kay  24.3% ang rating last Monday atol sa pilot telecast niini. (Sanden J. Anadia)