Waging-wagi at hindi nagdusa ang pilot ratings ng ika-walong season ng Sine Novela presents Pablo Gomez’s Magdusa Ka na pinagbibidahan nina Katrina Halili, Iwa Moto at Dennis Trillo na nagsimula na noong Lunes ng hapon sa GMA 7.
Pinakamataas sa lahat ng pilot ratings ng mga nagdaang Sine Novela ang nakuha ng Magdusa Ka nang magtala ito ng 24.3% base sa overnight ratings sa Mega Manila ng AGB Nielsen. Talagang inabangan ang transformation ng mga dating nang-aapi na si Katrina at ang dating matinee idol na si Dennis.
Sa simula pa lamang ng Magdusa Ka, kitang-kita na ang kakaibang Dennis na gumanap bilang si Rod, ang jeepney driver na palikero at medyo bastos, na talagang ibang-iba sa mga dating karakter na ginampanan ng aktor.