Mga host sa Wowowee wa molugwa sa event sa Hawaii

Nahimong talk of the town karon ang giingong wala paglugwa sa mga hosts sa Wowowee, nga gipangulohan ni  Willie Revillame  sa usa ka event  sa Hawaii. Matud sa taho nga kapin sa 200 ka fans ang nagbayad og tag -$100 para makita sila ni Willie. Apan pila sila ka oras naghuwat ang maong mga fans, pero wala molugwa ang mga bituon sa maong  noontime show  sa ABS-CBN.  Gikataho nga tulo lang ka mga dancers ang mitunga nga gilangkuban nila ni Luningning, Milagring ug Mariposa.  Matud sa kampo ni Willie, wala kahibalo ang comedian-TV host sa maong show sa club kay ang tumong lang ni Willie didto mao ang ilang show sa Aloha Stadium sa Hawaii. Matud sa kampo sa ABS-CBN nga nakadawat og imbitasyon ang production team sa maong noontime show pero wala sila magpasalig nga ilang dad-on  ang mga hosts ug walay kalibutan ang production team  sa giingong pagpamaligya og ticket sa organizer. Gikatakda nga mobalik sa Pilipinas si Willie sa Miyerkules, May 14. Ug karong Huwebes gipaabot nga motubag si Willie niini.  Samtang mipagawas og  official statement ang  ABS-CBN kabahin sa maong isyu nga nagkanayon “ABS-CBN Broadcasting Corporation was not involved in the staging of the ‘Wowowee VIP Bash’ held at the Rumours nightclub in Hawaii Thursday night as reported by the AP.  “The Wowowee production team received an invitation from the organizers of the private party, but it never accepted, committed, or agreed to bring the stars of Wowowee except for the three dancers who showed up that night. They were also unaware that tickets were being sold to the public at $100 each.”    (Sanden J. Anadia)