Direk Maryo J. delos Reyes mubo na lang og pasensiya

Gibutyag sa director sa bag-ong  sineserye sa GMA-7 nga Magdusa Ka nga si  Direk Maryo J. delos Reyes nga karong taas na ang iyang pangedaron mubo na lang ang iyang pasensya.  Apan matud sa direktor nga sa pagkakaron wala pa siyay nasiyagitan o nakasab-an sa mga cast sa Magdusa Ka. Pwes, mga maayo diay ang mga bituon sa maong serye.  ‘‘Parang mga dalagita sina Katrina at Iwa na naglalaro kapag taping break. Naalala ko tuloy sina Aga Muhlach, Herbert Bautista at Eula Valdez na mga bagets pa noon at ganito ring kasisigla,’’ matud pa sa director.

Uncle Mars sikat gihapon

Hangtod karon, nagpabilin nga nanglugwa ang mga hinimo ni Mars Ravelo   sa mga higanteng TV network. Sa ABS-CBN dunay Captain Boom. Sa GMA, pambato usab ang Dysebel.  Matud pa sa obserbasyon nga bisan pila na ka dekada gihimo ang mga nobela sa Komiks King nga si Uncle Mars, nagpadayon lang gihapon ang kasikat niini hangtod karon ilabi na nga gipanghimoan kini og mga TV versions. Busa daghan ang nag-expect nga makadawat og award si Mars sa iyang  mga hinimo nga mga nobela.

Direk Raya Martin

Laing Filipino nga director ang nasulod nga makigtigi sa 61st Cannes Film Festival sa Cannes, France. Ang 23-anyos nga si Raya Martin napilian para mo-compete sa 40th Directors’ Fortnight alang sa iyang pelikula nga Now Showing.  Ang maong seksiyon sa Cannes gilangkuban sa bag-o ug little-known directors gikan sa naglain-laing nasud sa kalibutan.  Ang Now Showing gilangkuban sa mga theater actresses nga sila si Ness Roque, Adriana Agcaoili, Meila Romero, Daisy Carino, ug Via Antonio.  Sa miaging tuig, usa pud ka Filipino ang nasulod sa maong seksiyon, si Dante Mendoza alang sa iyang independent film nga Foster Child nga gi-produce sa Seiko Films. Pipila usab ka directors ang nasulod sa maong seksiyon sa nangaging mga tuig kay sila si Lino Brocka sa Insiang (1978) ug  Bona (1981); Mike de Leon alang sa Kisapmata (1981) ug  Batch ’81 (1982); ug Mario O’Hara alang sa Babae sa Breakwater (2004).

GMA-7’s  Dramarama Sa Hapon ug Dyesebel

Ang GMA-7’s Dramarama Sa Hapon trio nag-una sa rating sa daytime race nga gilangkuban sa  Maging Akin Ka Lamang, Kaputol ng Isang Awit, ug Daisy Siete, nga nahimutang sa No. 1 spot gikan niadtong May 5 hangtod sa  8.   Ang Maging Akin Ka Lamang numero uno niadtong  Lunes ug Huwebes; samtang ang  Kaputol ng Isang Awit ug Daisy Siete nag-una niadtong Martes ug Miyerkules. Sa  primetime race, nag-una lang gihapon sa rating ang Dyesebel ni Marian Rivera niadtong Lunes hangtud Huwebes nakakuha og 40-percent ratings gawas niadtong Miyerkules nga 39.1 porsyento. (Sanden J. Anadia)