Dalawang mabibigat na artista ang magkakaroon ng malalim na talakayan ngayong gabi sa Q-11’s The Ricky Lo Exclusives bilang espesyal na handog sa respetadong showbiz journalist na si Ricky Lo na nagdiriwang ng kaniyang birthday – sina Kris Aquino at Marian Rivera!
Mapapanood ang totoong damdamin ni Kris tungkol sa maraming issues na nagdaan sa kanya nitong nakaraang buwan lang, kabilang na ang miscarriage niya at pagkakasakit ng ina.
Magsasalita rin siya tungkol sa pagsasama nila ng asawang si James Yap at ang birthday ng kanilang anak na ginanap kailan lang.
Siyempre, malaman din at mabigat ang mga saloobin ni Marian, na ikukwento niya kay Ricky ngayong 8:30 ng gabi, lalo’t mapapanood na ang inaabangang Dyesebel.