“Dodong tsaring!!”

 Hallooo mga suki nato diri sa Banat Hugyaw; as in Bischika napud karong adlawa busa ang inyong Bischika or muhatod kaninyo og makaHugyaw nga Bischika. Nungka nga ihikaw ni nako ninyo. Bisan sa mga niaging semana nga perteng uwana nakuyawan ko gamay kay pagmata nako gikan sa lami kaayo nga katulog, mao na lay akong naalinggatan nga nisulod na ang tubig sa sala sa among boarding house tungod sa kusog nga bunok sa uwan. Pwes walay duhaduha ang inyong BisChikador, kuha dayon og silhig ug dust pan para dili ko makalangoy sa rainwater. In short naka general cleaning ang inyong Bischikador nga wala sa schedule.

Pero ang inyong Istayl Nato proudly Bisaya naka schedule karong adlawa alas 10:45 sa buntag matag Domingo para ipakita sa tibuok kalibutan ang kanindot sa Sugbu. Malipayon kaayo ko nga nitikang sa City of Carcar para ipakita unsaon pagluto og chicharon, ampao, paghimo sa sapatos ug uban pa. Ug para sa atong Designer of the Week atong mailaila si Harley Ruedas ug Mark So. Ayaw gyud ninyo sipyata ang Energizer Race to Win kay lahi nga challenge ang ilang ipakita. Si Ryan Mark buhaton ang tanan para makakuha og datung. Unsay gibuhat ni Ryan Mark nga Hugyaw? Atangi ninyo mga suki..!

Pero kining BisChika nga gi text sa atong Bischikadora sa numero 0917-395098 kay maHugyaw gyud mo mga suki. Ang BisChika mao kini : Ang foreign boyfriend sa usa ka miyembro sa all sexy female group sa kauluhan, na getcheng sa usa ka gamhanan nga parehas nako pero boy kaayo kung mo acting didto sa Boracay niadtong milabay nga Holy Week. Hala noh? Ang drama kay perteng inom sa boy acting nga sister then nag cross ang ilang dalan sa foreigner tungod kay si boy acting maayo man mo arte nakuha niya ang uyab sa all female sexy group member nga wala atong tungura. Asa kaha siya? Ang Hugyaw kay ingon sa atong Bischikadora nga sister iyang na realize nga parehas diay niya as in parehas namo og dugo berde pud diay. Pak! Musulti pako unsa ilang gibuhat para makaingon siya nga iisa lang ang ating lahi. And take note mga suki ha? Nasakpan sila sa guwardiya civil sa maong resort sa Boracay? Usa ra akong masulti.. Hugggyaawww! Unsa nga female sexy group sila?  Usa sa ilang mga kanta sa spice girls ang ilang name ug ang boy acting sister nga perteng lingawa atong higayuna? Basta taga Cebu siya….

* * *

Walo ka Sugbuanon nga silang Mc Billy Wilford Sy, Edgar Ray Jugadora, Jan Michael Contreras, Siegfred Schimdt, Michelle Yu, Jean Therese Jumanoy, Donamil Tarroquin, ug Kayle Faye Companion ang motikang para sa labing unang Mr. and Ms. Ticao Island Tourism 2008 Pageant sa Masbate nga ipahigayun sa Plaza Añonuevo San Jacinto Ticao Island, Masbate karong April 28, 2008. Sila maoy makigtigi sa mga representante gikan usab sa Luzon.  Kini gipaluyuhan sa Psalmstre Ent. Inc., the makers of New Placenta, Olice-C, Livermin 870 soft capsule and Vitaginseng capsule and Iced tea. Para sa ethnic based costume sa production numbers sa tanang candidates mugnaon sa inilang designer sa Sugbo Lemuel Rosos. Ang Trans Asia Shipping lines maoy modala sa atong walo ka manok didto sa Masbate karong Abril 25, 2008 para sa maong indigay. Ang Trans Asia mga suki adunay biyahe matag Lunes, Miyerkules, Biyernes paingon sa Masbate ug matag Martes, Huwebes, ug Sabado balik dire sa Sugbo. Excited na kaayo akong beauty kay mulugwa ko didto kauban ang atong editor dire sa Banat Hugyaw Ryan Mark. Don’t cha worry mga suki kay among ihatod ang maong indigay pinaagi sa Istayl Nato! Ug siyempre ang media partner sa maong event walay lain, ang Banat News ug Freeman. Log on to www.psalmstre.com.ph for details sa mga produkto sa Psalmstre.

Mga BisChikadora ipadayon ang inyong pagpabuhagay sa mga chismax wala diri ug wala didto sa BisChika numero 0917-7395098. Daghang salamat sa inyong mga emails, [email protected] para sa inyong mga opinyon. Kamong tanan mga suki diri sa Banat Hugyaw kamo ang among bida! Palakpakan! Mwah!