Name: Wu Zun / Wu Chun
Real name: GOH KIAT CHUN
Date of birth: 10 October 1980
Birthplace: Brunei
Height: 5’11
Weight: 73kg
Star sign: Libra
Blood type: O
All about him
Nahimugso si Wu Chun sa usa ka adunahan nga pamilya didto sa nasud sa Brunei. Mitapos siya sa RMIT University sa Melbourne, Australia, ug mitrabaho isip model ug fitness coach sa wala pa niya ilusad ang iyang career sa Taiwan adtong 2005. Ubay-ubay una nga ginagmay nga roles ang gihatagan og kinabuhi ni Wu Chun una siya gipaila isip sakop sa boy-band Fahrenheit (???; Fei Lun Hai) sa hinapos nga bahin sa 2005.
Ang labing una niyang proyekto mao ang action/comedy “K.O. One diin zombie warrior ang iyang papel. Una siyang nahimong leading man sa sayo nga bahin sa 2006 pinaagi sa 2006 TV drama “Tokyo Juliet”, co-starring sa actress nga si Ariel Lin. Tungod sa mao niyang paglugwa natagad ug misikat siya og maayo human siya gihangop sa mga mahiligon sa drama; ug niining tungora usab inanay nga misikat ang Fahrenheit.
Wa magdugay nahimong hottest rising star si Wu Chun sa Taiwan. Ang ubang sakop sa Fahrenheit mao sila si Jiro Wang, Aaron Yan, ug Calvin Chen. Nalusad ang maong pop group sa Taiwan adtong September 15, 2006. Tuig 2006 usab nahimong bida si Wu Chun sa TV drama “Hana Kimi” kauban ni Ella Chen (sakop sa popular girl group S.H.E); mibuto ang maong project ug nakapasamot sa kasikat sa duruha, hinungdan nga giisip sila nga labing sikat nga artists sa Taiwan ug sa kasikbit nga Chinese regions. Labing bag-o nga TV drama ni Wu Chun ang “Romantic Princess”, kauban ang pop star nga si Angela Chang,kinsa sikat usab sa Taiwan. Gihimo usab niya karon ang usa ka movie drama kauban ang sikat nga Asian hunks nga sila si Jerry Yan ug Show Luo.
