Resiklo nasa video na
Ang inyong paboritong pelikula na Resiklo na nagkamit ng Best Picture sa nakaraang 2007 Metro Manila Film Festival ay mapapanood na ninyo sa inyong mga tahanan ng paulit-ulit dahil ni-release na ng Star Home Video ang VCD/ DVD version nito.
Sinulat at dinirehe ni Mark Reyes, ang Resiklo ay isang fantasy film tungkol sa mga robot na mula sa mga recycled materials na siyang lalaban sa mga evil forces.
Ang Resiklo ay tinatampukan ng mga talented performers sa pangunguna ni Ramon “Bong” Revilla Jr., Dingdong Dantes, Paolo Contis, Benjie Paras, Jennylyn Mercado, Michelle Madrigal, Jolo Revilla, Bryan Revilla, Ramgen Revilla, Empress Schuck, Luis Alandy, TJ Trinidad at Roi Vinzon.
Hanggang ngayon ay nagmamarka pa rin sa mga nakapanood ang Resiklo kung saan hinahamon ang lahat na maging environmentalist na makatulong sa ating bayan.
Ang Resiklo na VCD o DVD ay mabibili ninyo sa lahat ng pangunahing video shops sa buong bansa.
- Latest
