Ang GMA-7 maoy nakakuha sa TV rights sa sikat nga reality show Survivor busa sila maoy magbaton og kaugalingon version niini dinhi sa nasud. Wala pa mabalita kanus-a kini sugdan, ug dungan niini daghan usab ang naglaom nga si Paolo Bediones maoy tahasan sa GMA-7 isip host. Rason sa mga dumadapig ni Paolo haom ang nahisgutan tungod kay nakasuway na siya og ingon niini nga format kaniadto sa Extra Challenge ug malampuson kini. Samtang gipahibaw na sa GMA-7 ang schedule of auditions alang sa mamahimong contestants sa nahisgutang reality show. Kini mao ang musunod:
DAVAO (SM Davao) - May 1 and 2
CEBU (SM Cebu) - May 5 and 6
ILOILO (SM Iloilo) - May 8 and 9
BAGUIO (SM Baguio) - May 17 and 18
MANILA (SM North Edsa) - May 21 and 22
MANILA (SM Manila) - May 23
Ang Survivor Philippines bukas alang sa mga babaye ug lalake nga nag-ead og 18 - 60 years old. Kinahanglan nga physically fit ug andam mopailawom sa grabe nga physical ug mental challenges sulod sa 39 ka adlaw samtang mag-istar sa usa ka lugar nga dili nila sinati.