Ang Ganda Ko!...Joke! ‘yan ang ibinigay na title ni direk Wenn Deramas para sa post-birthday concert ni Vice Ganda on April 11, 9 p.m. sa Metro Comedy Bar, West Avenue.
Grabe ang preparasyong ginagawa ni Vice dahil siya mismo ang nag-iisip ng gimik at sorpresa. Aba’y ilang damit ang kanyang hiniram.
“Pati ‘yung bonggang gown na isinuot ni Angelika (Katrina Halili) sa ending ng Marimar, ’yon mismo, isusuot ko,” sabi ng komedyanteng si Vice.
Dahil guests din ang mga singers na sina DJ Durano at Ronnie Liang, “Pag-iisipan ko pa kung lalaswain ko sila o hihipuan ko. Sana, kaya ng powers ko!” pabirong dagdag nito.
Mukhang naglilihiman sina Vice at ang mga guests niyang sina John Lapus at Chokoleit sa mga isusuot sa kanilang showdown, dahil umaatikabong kabugan ang hatawan nila ng sayaw at patawa sa stage.
“Ay, ‘day...malalakas ‘yan sa audience, ‘no! Show ko ‘yan, kaya pakakabog ba ‘ko?” sey ni Vice.
Hindi rin pakakabog sa batuhan ng punchline si Toni Gonzaga na “pinsan” ni Vice sa Maging Sino Ka Man 2.
Tickets are available also at Punchline, Laffline, and Metro Bar o mag-text or tumawag sa 0922-8398878 para makapagpareserba ng maaga.