SEEN: Mga artista na maganda at guwapo ang itsura sa personal: Agot Isidro, Pekto, John Feir a.k.a Tita Bellie Flores, Vhong Navarro, Desiree del Valle, AiAi delas Alas, Kitkat, Archie Alemania, Paolo Contis, Isabel Oli at Vic Sotto.
SCENE: Sobra ang dami ng halikan nina Dingdong Dantes at Marian Rivera sa huling episode ng Marimar. Mapalad si Dingdong sa pagkakaroon ng girlfriend na hindi selosa.
SEEN: Nag-iilusyon si Jiro Manio nang sabihin nito na magpapahada siya sa gay sa halagang P50 million. Walang bading na magbabayad kay Jiro kahit P50 K lang ang kanyang sinabi na presyo.
SCENE: Si Marvin Agustin ang gusto ng nakararami para maging kapalit ni Gabby Concepcion sa pelikula ng GMA Films na kanyang tinanggihan. May chemistry daw ang Marvin-Jolina Magdangal team-up kesa Dennis Trillo-Jolina.
Kasado na ang Dennis-Jolina movie na kukunan sa Europe. Kung si Marvin ang ipinalit kay Gabby, magmumukhang part 2 ng I Love New York ang proyekto dahil kasama rin sa cast si Mark Herras.
SEEN: Dalawa ang masugid na manliligaw ni Francine Prieto, si Philip Cu-Unjieng at ang konsehal ng Maynila na si Edward Maceda. Madalas na nakikita na magkasama sina Francine at Edward.
SCENE: Sina John Lloyd Cruz at Bea Alonzo ang 2007 Box-Office King & Queen ng Guillermo Mendoza Memorial Scholarship Foundation. Walang nag-protesta dahil iilan na lamang ang sumeseryoso sa mga award-giving body sa Pilipinas.
SEEN: Regular client ng isang computer game shop sa Tomas Morato si Aleck Bovick. Walang pinipiling oras sa paglalaro si Aleck. Sino ang nag-aalaga sa anak nila ni Carlo Maceda?
Mataba pa rin si Aleck. Kung pagpunta sa gym at hindi ang computer games ang pagkakaabalahan niya, siguradong mababawasan ang kanyang katabaan.