Angel desperate na sa Lobo kaya nagpa-sexy?

SEEN: Ipinagtanggol si Rhian Ramos ng mga kaibigan niya. Hindi totoo na lasing siya nang manood ng concert ng Incubus. Naging masaya lamang si Rhian habang pinanonood ang Incubus kaya napagkamalan siya na nakainom. Maaring mapula ang kanyang mukha, bunga ng excitement dahil nakita niya ang paboritong grupo.

SCENE: Out sa American Idol si David Hernandez. Kontrobersyal si David dahil nabulgar ang kanyang lihim na dati siyang stripper sa gay club. Si David ang una sa 12 finalists na na-eliminate sa sikat na programa sa Amerika.

SEEN: Matindi ang pressure kay Angelika dela Cruz sa pagbabalik niya sa GMA 7. Kailangang patunayan niya na hindi nagkamali ang network na muling kunin ang kanyang serbisyo. Sa kasamaang-palad, hindi nagmarka sa mga reporter ang presence ni Angelika sa presscon ng Babangon Ako’t Dudurugin Kita.

SCENE: Madalas ang plugging ng ABS-CBN sa seksing eksena ni Angel Locsin sa Lobo. Two-piece swimsuit ang suot ni Angel para maengganyo ang manonood na panoorin ang Lobo. Ang sabi ng iba, desperate move ‘yon ni Angel upang tumaas ang rating ng programa nila ni Piolo Pascual.

SEEN: Si Patrick Garcia ang dinumog ng mga reporter na dumalo sa presscon ng Babangon Ako’t Dudurugin Kita. Siya ang naging mabili sa mga reporter na nais malaman ang sitwasyon ng relasyon nila ni Jennylyn Mercado. Suporta si Patrick sa Babangon… ngunit tinalbugan niya ang mga bida dahil siya ang pinagkaabalahan na kausapin ng mga reporter.

SCENE: Natapos ang concert ni Rosanna Roces sa Ratsky’s Morato nang hindi namamalayan ng mga tao. Lipas na ang kasikatan ni Rosanna. Hindi niya minahal ang kanyang propesyon.