Haller Bisrockerz-Smasherz! Kumusta mong tanan nga nagsunod kanunay sa “BisrocKabataan” sa 93.1 Smash FM – 10 am to noontime - Lunes, Miyerkules ug Biyernes? Inyo na sigurong nabantayan no nga sa unang bahin sa maong duha ka oras nga tulumanon ni DJ Ram Dizon, magpaka-paka ang mga karaang Bisrock compositions sa kahanginan. Mao kini ang portion sa programa nga gitawag og “Bisrockathon”. Marathon sa mga karaang salomang Bisrock. Pinaagi niini, ma-review nato ang mga karaang Bisrock songs. Alang kini niadtong naghinam-hinam gihapong makapaminaw sa mga kanta sa mga nanag-unang Bisrock bands – sama sa REPUBLIKA nga maoy nagkanta sa “Tingog Kabataan” which is the “communal anthem of the Bisrock Movement”; AINOS (Christian rock) – tingog likod sa kantang “Buwad”; 3CHORDSCHOIR (Neo grunge punk); BRAIN DAMAGE (metallers, pride of Pinamungajan); WHAT’S THE FREQUENCY? (punk); D’KAZINS (once the youngest among Bisrock artists); GLASS OF DIRT (Bisdak metalheads); METAL INSTINCT (progressive rock); MAKADAWA (progressive rockers from Talisay City); JIMMYCYCLE (a pioneer Bisrock band); ug Indephums (growling stuff) - most loved band to date. This band will sell the show, wala pa gyod nay mintis! Mahal na ni ron sila og talent fee bayad sa mga buak ug mga guba kay magubot man gyod basta naa ni sila. Hee hee…Kun tinooray mo nga Bisrocker-Smasher, kahibalo namo’g ngano! Witness mo ana, labi na ang tanang nalambigit kang Mondoy ug Renan hee hee. Basin mahibulong mo ngano nga wala nako ilista ang uban. Alangan, duna ma’y mga pioneering Bisrock bands nga mibalitok ug nagdala’g pagkabahin-bahin so dili na to sila pure Bisrocker-Smasher. Nya beware mo ha? Kay gipangutana baya gyod ko ngano nga imbis daw mo-improve ang mga kanta nagkabastos daw? Mao ba daw na ang akong gilabanan nga kawsa o adbokasiya? Pagka-paet gyod aning ubang nisakay sa Bisrock bandwagon aron matagad. Kaila namo ana nila kun tinooray mong Bisrocker-Smasher so dili na lang nako kugihan pagdepensa ang atong gisuportahan nga habig. Mosinggit na lang ko’g: CHAARRRGEE!
* * *
Nice unta kaayo ang site sa deadspotters society-tripod online, pero wala na gyod ma-update. Nakadalikyat ko’g bisita sa maong site dihang naggamit ko sa search engine sa akong pagpangita og mga sites nga starring ko – isip si pinay mangatkatay. Ug tuod man nahatod ko’s deadspotters society-tripod. Didto nako na-diskobre nga nagbuhat diay mo’g poll parte adtong isyu sa suya-ay sa mga clans hinungdan nga giundang ang pag-recognize ninyo individually on air ug nahukman na lang nga pagatawgon mo collectively og Bisrocker-Smasher. Nindot sad nga move kay nakahibalo ko nga mga peace advocates mo, ug nga dili mo gusto anang gubot-gubot tungod lang kay gusto magpataas og ihi ang usa ka grupo. Nindot gyod nang levelheaded lang gyod ta and enjoy our music. Kun nakatan-aw mo sa 80th Oscar Awards/Academy Awards niadtong Lunes sa buntag, haom kaayo ang giingon sa usa ka awardee nga: “Music connects souls no matter how different we are in so many ways.” Rock on sa artist sa deadspotters society-tripod nga si linx_emo_chick, and please do allow people to comment and link webpages and weblogs, k?
* * *
Bag-o lang gyod nako napaminaw in full ang demo CD sa “Avlish” (Quiel Silva, Ken Silva, Jordan Silva nga taga Pondol, Balamban ug Dennis Bacaron nga taga-Matab-ang, Toledo City) kay lagi busy man ko last year sa akong preparations for my maternity leave. Sa dihang naka-adjust nako sa akong bag-ong role as mother to my two-month-old son, baby Sagarmathaji Rain Valeros Lazala, ako gyod siyang gi-expose dayon sa mga rock songs. While magpatulog ko niya, mo-start ko’g patokar og Praise and Smiles Contemporary Gospel music. After that, kun padulong na siya hinanok ipatukar dayon nako ang mga CDs namo sa concert sa Firehouse, White Lion, Pantera (Reinventing Hell) ug Van Halen (kadtong sa New Haven , Connecticut concert). Para subconsciously makatuhop ang rock music sa utok sa akong baby and hopefully he will grow up rockin’ like me. Sa Bisrock, I have my own Bisrockathon. Gi-play pod nako ang akong personal favorite bands sama sa Avlish. Sa tanan nakong gipang-interview, wala pa mausab ang akong pag-appreciate sa music sa Avlish. Bisan wala na ko’y kontak nila, pero I make it a habit na to listen to their music. Usa sad ning bandang Avlish nga akong irekomendar ninyo in terms of content/theme ug melody sa ilang mga kanta. I-recommend nako ang album nila with the songs Hagit (Bangon Sugbo), Higala, May Luha Ang Langit, Here Comes The Rain, She Waits, Enuff, What We Are, Hold My Sorrow, Back Home, 2PM, 2PM (acoustic version), May Luha ang Langit (acoustic version), Hit Me nga ilang cover version sa kanta ni Britney Spears, ug Balamban agi’g yukbo sa lungsod nga maoy ilang namat-an og kahayag. Astig ang ilang rock version sa Hit Me. Pwede ninyo ma-request kang DJ Ram ang pagpatokar sa ilang mga kantang Binisaya.
For violent reactions, text 09215323616 or email pinay_mangatkatay@yahoo.com. Visit pinaymangatkatay.multiply.com.
Greet lang ko nilang Mr. and Mrs. Antonio and Joan Sabas. Kini si Tony, suki ni nga reader sa Banat News. Rock on!