Si Dingdong Dantes maoy labing bag-o nga endorser sa Bench underwear. Sa March 8 na matud pa ang formal launching kang Dingdong isip latest endorser. Tsika pa nga kun sa unang underwear brand nga gi-endorse ni Dingdong igo lamang siyang naghukas, sa Bench mag-brief gyud matud pa ang Pinoy Sergio. Well, naghubo na si Dingdong sa Cosmopolitan Hunks, taliwala sa intriga nga igo ra nga Photoshop ang iyang brief aron mogawas nga wala siya’y gisul-ob.
Jun Lana
Nataypan si Direk Jun Lana aron mo-direk og duha ka episodes alang sa Incredible Tales TV show nga mulugwa sa Media Corp’s Channel 5 matag Miyerkules sa Singapore. Nasayran nga nakita sa mga taga Singapore ang talento ni direk Jun sa Gigil, ang launching movie ni Katrina Halili kauban si Alfred Vargas. Pwes, alang sa duha ka episodes nagpadayon na ang taping ni direk Jun sa “Manananggal” starring Juliana Palermo ug “White Lady” diin si Niña Jose ang bida. Apil usab sila si Say Alonzo, Frank Garcia, Lance Raymundo ug uban pa. English ang maong mga episodes.
Vilma Santos
Gibutyag ni Governor Vilma Santos nga tulo diay ka pelikula ang standing offer sa Star Cinema ngadto niya, naglakip kini sa movie with John Lloyd Cruz, usa ka movie with Luis Manzano ug ang ikatulo with Sharon Cuneta. Niya pa, ang Jhon Lloyd movie gyud unta maoy priority karong tuiga pero dili niya mahimo bisan pa og naikog na siya sa young actor ug sa Star Cinema, tungod kay katunga niini adto buhaton sa New York. Matud niya dili siya mahimong mawala og tulo ka semana alang sa shooting tungod kay walo pa lamang ka buwan human siya nga napiling governor sa Batangas. Pwes, duna siya’y hangyo sa Star Cinema nga ang movie with her son Luis lang una maoy ilang himoon tungod kay ang tanang eksena sa Pilipinas ra gam-on.
Marian Rivera
Pabiling tak-om ang baba ni Marian Rivera labot sa iyang next project. Igo lamang siyang miingon nga mas magustuhan siya sa mga nakagusto niya sa Marimar ug nga pambata ang sunod niyang project. Dihang gipangutana kun duna ba siya’y ikog ug maglangoylangoy ba siya, buhakhak lang ang tubag ni Marian. Samtang nagkakusog ang taho nga siya na ang “Dyesebel.”
Direk Jade way nakitang kalainan
Admitado si Direk Jade Castro nga ang My Big Love, starring Toni Gonzaga, Sam Milby ug Kristine Hermosa ang iyang matawag nga first mainstream movie. Hinuon matud pa sa PangMasa nga nakakuha na og atensyon si Direk Jade gikan sa movie critics sa indie film, Endo (End of the contract), nga hugyaw ang reviews gikan sa international filmfests.
Dihang gipangutana labot sa iyang pagbalitok gikan sa indie ngadto na sa mainstream , matud niya wala siya’y nakita nga kalainan.
“Basta when I work,” nagkanayon si Direk Jade, “What is foremost in my mind is to be able to do a good movie. Halimbawa, if it’s comedy, it should be funny and will make people laugh. Kapag drama naman, dapat umiyak at maantig ang puso ng audience.”
Nasayran nga nagsugod si Direk Jade sa show biz isip writer. Siya maoy nagsuwat sa Star Cinema films, D ‘Another and First Day High. Co-producer siya sa indie film, Sarungbanggi.
Mahigugmaon na siya sa pelikula sukad pa sa edad nga sais anyos, sila si Direk Ishmael Bernal, Mike de Leon ug Lav Diaz ang iyang mga paborito tungod kay niya pa, ang tulo epektibo nga story tellers.
AJ ug Lauren, suwayan
Walay ka-loveteam si AJ Perez pero napasikat niya ang iyang kaugalingon ug gani usa siya sa young actors sa Star Magic nga left and right ang projects. Pwes matud pa sa Pilipino Star Ngayon sa Bato episode sa Love Spell karong Domingo suwayon kung mo-click ba silang duha ni Lauren Young ug kun nindot ang feedback matud pa, ilakip sila sa usa ka soap drama nga gitakdang sugdan sa ABS-CBN. (Ryan Mark)