Yes, mga Yadzz, duha na ka tuig ang among salida sa INTV-CHANNEL 47 sa Cebu Catholic Television Network nga nag-ulohan og “Tres Metros,” busa angayan ming magsaulog, ug angayang magmalipayon, di ba?
Ngano? Duna ba dihay mga TV series nga miabot og duha ka tuig? Kun duna, aber, hinganli kono. Yezz, kuwang mi’s mga sponsors, tungod kay dili mi sakop sa KBP, busa wa mi labot sa echos de survey, ug aron mo masayod, kanang mga sponsors, mag-agad jud na sa rating sa survey, mao na’y hinungdan nganong ang ABS-CBN ron ug GMA-7, nagkinihaay. So, kun nagsalig pa mi’s mga echos de survey, simbako sad intawon, apil apil sad unta mi nianang echos de kinihaay diha, simbako intawon, di ba? Aside from that, mga Yaddzz, dili tawon mi modawat og mga sponsors nga mga ilimnong makahubog ug sigarilyo, mao na. So, mga Yadzz, last Thursday February 7, nag-celebrate na sad mi. Nag –celebrate man gani mi atong among first anniversary, nganong di man tawon mi mag-celebrate sa among 2nd anniversary no? Wa mo diha kyaffii? Didto gihapon mi mag-celebrate sa Pilapil Cottages sa Suba, barangay Catarman, atbang sa ancestral home sa former Bb. Pilipinas turned actress, Pilar Pilapil, ug misamot ang among kalipay, kay gawas nga mitambong ang Head Servant sa Oasis Of Love nga si Bro. Nonito “tatay Dodong” Lim Chua, ug ang head sa technical department sa CCTN Broadcast Center nga si Bro. Ven Panimdim [nga artista pod sa “Labandera” “Prototaloy” ug “Dear Tatay”] mitambong pa jud ang batan-on kaayo ug ambongang Jericho Rosales look-alike nga mayor sa lungsod sa Liloan, si Hon. Vincent Franco “Duke” Frasco nga, gikagubtan jud sa tanan, bisa’g sa mga lalaki, labaw pang mga kabayotan ug kababayen-an kay gwapo lagi, ug batan-on pa jud [pero gaingon ma’s Nimrod Quinones nga naa na kono ni uyab]. Gikuyogan siya sa iyang staff sa Mayor’s office sa Liloan nga sila si Bryan, Ruth ug Reggie, ug ang igsoon ni anhing Jorge Pepito, ang kanhi first councilor sa barangay Catarman nga si PO3 Benjie Pepito kinsa, maoy among gitunolan pod sa among gihatag nga Posthumous Recognition alang kang anhing Hon. Jorge kinsa, way tihik tihik nga nagpaluyo namo sa among shooting diha sa Liloan. Mipasalig sad hinoon si Mayor Frasco nga bisa’g kanus-a makasangpit mi niya kun kinahanglanon ang ilang suporta. Gawas nila, mitambong pod ang kanhi barangay captain sa Poblacion nga karon, municipal councilor na sad.
Busa, niining higayona, magpasalamat mi sa tanang nanan-aw namo sa “Tres Metros” ug sa tanang mipaluyo sa among celebration labi na nila ni Jay Ligason sa Cosmetique –Asia, ang tagbuhat sa Silka Beauty Products, Mandaue City Mayor Jonas Cortes, Loay [Bohol} Mayor May Lim Imboy, Cutie del Mar, Raymond Kokseng ug yess, Jonjie Gonzales sa JY Gonzales and Partners [para sa Globe] ug uban pa. THANK YOU, ug isaad namo nga sa Season 4, tumang kalingawan gihapon ang idalit namo sa TRES METROS. Thank you kaayo kaninyong tanan. We love you.