Nakahuman na gyod og shooting ang movie nga mao untay Valentine offering sa Star Cinema starring Toni Gonzaga ug Sam Milby na sad. Apan gitataw gyod sa promo queen nga si maam Josie Sanchez Pereyra nga dili mahimong isalida atol gyod sa VALENTINES DAY, tungod kay naa pa sila sa post production nga stage, ug dili mosugot ang kadagkoan sa production department sa Star Cinema nga dali dali-on kining post production sa pagpahigayon, tungod kay usa ni sa labing hugyaw nga pelikula karong tuiga. Pero miingon pod si Ms. Josie nga ang uban pang umaabot nga pelikula sa Star Cinema sama unya usab sa umaabot nga pelikula ni Sharon Cuneta, ug ang movie pod unya ni Batangas governor Vilma Santos Recto dili sab gyud dalidalion.
Miingon usab ang promo queen nga gikatakda na gani unta ang BIG LOVE nga ipasundayag karong umaabot nga Pebrero 20, pero dili pa gyod mahimo. Gani, giplanohan usab nga moanhi karong umaabot Pebero 23 sila si Sam Milby ug Toni Gonzaga, pero daw wa pa’y seguro tungod sa ka hectic sa schedules sa duha ka artista karong panahona. Gani, dili pa dugay, mianhi si Sam Milby kauban sila si Anne Curtis, Bea Alonso ug Jericho Rosales ug nagpakita sa hugyaw nilang show diha sa parking lot sa SM City.
Tuod, misamot ang akong ‘love’ ni Jericho Rosales tungod atong pag-anhi nilang Sam Milby, Bea Alonzo ug Anne Curtis tungod kay nakita nako nga sinsero kaayo siya sa audience ug playful pa gani kaayo. Gani, grabe ang hugyaw sa mga tawo sa dihang mikanta siya’g binisaya bisan wa magkadima-o, ug pagbira niya’g usa ka babaye sa audience, ug ang babaye militok og ‘pag-tyur oi” gisunod sunod gyod ni Jericho nga misamot paghugyaw ang mga tawo nga nakasaksi sa ka sinsero sa actor. Labaw sa tanan, miduol siya namo ni Wilnard Banzon [ang cameraman namo sa “Tres Metros” nga maoy kauban nako atong higayona] ug milamano nga daw nakaila pa gihapon nako. Dili ba, usa man gyod si Jericho sa paborito nakong mga actors gawas nilang Christopher de Leon, Ricky Davao, John Lloyd Cruz, ug Carlo Aquino? Aminin, Julian Tancawan, alyas Japan [paging ..paging Japan, call R-1, kay gisapot ko’s inyong customer service kay dugay kaayong milugwa, kay mo verify unta ko’g unsay status sa akong SUKI CARD.].