Karla Henry: “God’s will”

Pag-ampo ug pagsalig sa kaugalingon. Kining duha ka mga hiyas maoy panagang ni Fil-Canadian Karla Paula Ginteroy Henry atol sa sunod-sunod nga screening sa Bb. Pilipinas 2008, diin usa siya sa mga morampa sa Araneta Coliseum sa pageant night sunod buwan. Ang 21-anyos nga dalaga misugilon sa Banat Hugyaw adtong Domingo nga wala siya magdahom nga masulod siya sa maong indigay tungod kay labihan ka higpit sa kompetisyon.

 “I was not expecting that I could make it, the screening here is quite so tough, we are just allowed to say our introductions because there were 55 girls including me who screened last January 21, during the pre-screening” sugilon pa ni Karla.

Si Karla sakop sa A.D Models Philippines, nga giduma sa sikat nga fashion designer ug lifestyle writer sa The Freeman Newspaper—Dexter Alazas. Ramp model si Karla nga nahimong second runner-up sa Miss Mandaue 2005 sa panahon ni Bb. Pilipinas World Anna Maris Igpit ug second runner up pud siya sa Miss Cebu 2006, diin si Stephanie Señeres ang nakoronahan.

“I joined Bb. Pilipinas, because there have been so many beauty queens who made it to Binibini like Karla Bautista, Melanie Ediza, Anna Maris Igpit, Pilar Pilapil and a lot more. I just wanna bring back the fame of Cebu by winning one of the titles or much even better the crown for this year’s pageant,” malaumong pamahayag ni Karla.

“Cebu is not more of a tourist destination but it’s more of a home. You’re there to relax and it’s just coming home away from home, pasigarbo ni Karla sa Sugbo.

“It’s quite intense, having 55 girls along with who also hoped to get a slot in the Bb., you will have to think, how would you stand out. It’s an honor already that I really made it. I really prayed before the screening and for me it’s really God’s will,” mapaubsanong paambit ni Karla.

Suma pa niya ang paglangkat sa korona, sama sa kadaghanan mao gayu’y iyang girombo, sa ingon mapasigarbohon niyang marepresentahan ang Pilipinas  ug ang Sugbo sa international pageant puhon, kun buligan siya sa Bb. Pilipinas coronation night.

Mapasalamaton kaayo si Karla sa iyang pagsalmot sa Miss Cebu, kay ang activities ug mga workshops nga iyang nasinati sa maong indigay nakatabang gyud niya pag-ayo sa iyang malampusong pagtikang sa Bb. Pilipinas.

“I’m intensively training, working out for body firming and we practice on our walks and we also have to undergo mock Question and Answer portion in preparation for the pageant itself,” nagkanayon siya.

Si Karla naa sa kampo ni beauty queen maker Rodgil Flores, ang tawo nga mao usay mitubog nila ni Karla Bautista, Prescious Quigaman, Carlene Aguilar, Melanie Ediza, Igpit ug daghan pa.

Sa gitas-on nga 5’7 ug vital statistics nga 34-24-35, kinsay nasayud siya na unya labing unang Cebuana Miss Universe? Suportahan unya nato si Karla pinaagi sa text votes.