Bisrock Revolution

Grabe na gyud ug dili na mapugngan ang padayon nga paglambo sa Bisrock scene dili lang dinhi sa Sugbu, kun dili hangtud na gyud sa uban dapit sa Kabisay-an ug Mindanao. Ngano makaingon kita niini? Kini tungod sa kainit nga suporta sa mga bisrockers nga nagsunod aning klase nga mugna.

Ang mga banda usab pwerte na pud kadaghan nga nadawat nga schedules aron sila mopasundayag sa uban dapit.Hatagan ko kamo og pipila lang sa mga lugar nga kanunay sila gi-invite—Leyte,Bohol,Negros particularly sa San Carlos City, Kanlaon ug Dumaguete. Aduna pu’y mga banda nga naka abot gyud gani sa Mindanao sama sa Iligan,Cagayan ug Gen.Santos.

Matud pa sa mga banda naabot niining mga dapita nga hapit dili sila katoo nga ingon na gyud diay ani kalapad ang scene. Ang ilang mga experience daw dili mabayran og salapi tungod sa kalipay nga ang ilang mga kanta aduna diay nahatag nga kamaya ngadto pud sa mga tawo.

Pero ang pangutana karon nga hangtud ba kaha asa ang maabot sa Bisrock? Mao ni giingon nga ako, ikaw, kitang tanan mga bisrockers wala masayod. Kay kahibalo baya kita nga ang musika nag- “evolve,” pasabot nga adunay bag-o karon pero adunay puy mga umaabot nga mas bag-o pa puhon, adunay uso aduna puy malaos. Mao gyud na ang musika kanunay pud nagdagan sama sa pagdagan pud sa panahon.