Irish, anay sa career ni Jay-R?

How true ang tsika nga nasagap sa Pilipino Star Ngayon nga ang usa sa top 6 sa sa Pinoy Dream Academy Irish Fullerton ang nagkupot karon sa ATM card ni Jay-R Siaboc  hinungdan nga kanunay nga walay kwarta ang usa sa mga sa cast sa Palos?

Tsika sa PSN dugay na ang maong balita pero wala lamang hatagi og igong gibug-aton tungod kay everytime nga makit-an si Irish sa ABS-CBN compound kanunay kining molimod nga duna silay relasyon ni Jay-R.

“He’s my kuya at confidant lang, ate Reggs,( Reggee Bonoan, kolumnista sa PSN) wala kaming relasyon.”

Kahinumduman nga two weeks ago sa presscon sa Palos, hingpit na nga giangkon ni Jay-R nga sila pa gihapon ni Irish ug maayo ang relasyon, gani plano man sa singer nga taga Toledo nga mag-date sila before Valentine’s Day tungod kay taping niya sa teleserye sa mismong Heart’s Day.

Dungan niini subli nga mitumaw ang maong tsismis nga ang hinungdan nganong kanunay nga walay kwarta si Jay-R maon nga ang ang dalaga maoy naggunit sa ATM card niini ug base sa istorya sa mga taga-banko dunay withdrawals ang account sa aktor kada adlaw sa kantidad nga P10, 000 pataas.

Makalipong ning tsismisa yad kun tinuod man gani tungod kay nganong si Irish man gyud ang naggunit sa ATM card? Unsay katungod niya nga mo-withdraw og ingon niini ka dako nga kantidad ug asa man paingon ang maong salapi? Kagastador gud niya? Pak!

Samtang dunay pangutana ang PSN, unsay katungod ni Irish nga iwaldas ang kwarta nga hinaguan ni Jay-R nga angay unta niyang ipadala sa iyang mga ginikanan sa Toledo City, Cebu nga nagpaabot sa gisaad niini nga tabang kung mokita na siya?  

Ang tsika pa nga nasagap sa PSN miabot sa Manila ang mga ginikanan ni Jay-R niining bag-o lang ug sa condo unit kini sa nahisgutan miistar. Ang nakaparat matud pa mao nga wala masakpi nila o wala igkita nila si Jay-R tungod kay  matud pa kanunay kining nag-taping sa Palos ug dunay appointment para sa ASAP.

Matud pa walay gitunol nga kwarta si Jay-R ngadto sa iyang mga ginikanan hangtud nga namauli na lamang kini sa Toledo Ctiy, ug matud pa, hinuwaman ra intawon ang giplete sa mga nahisgutan sa ilang pag-adto sa Manila.

Hoy, Irish magsalita ka! Or else, isipon nga ikaw maoy anay nga nag-ot ot ni Jay-R! Pak

Angel, dili pa makabiya sa poder ni Becky

Pipila ka adlaw na nga gisumsuman sa mga blind items ang kalabot sa matud pa wala na karon pagsinabtanay sa usa ka aktres ug sa talent manager niini nga ang gipasabot mao sila si Angel Locsin ug Becky Aguila.

Adtong milabay nga adlaw napatik dinhi sa Banat Hugyaw ang matud pa panagbungol nila ni Angel ug Becky, gani matud pa sa mga himantayon sa show biz, hayan nga ang manager maoy maghatag og kasamok sa hunahuna sa aktres.

Nahisgutan pa nga may kalabutan sa dili maayong panagsinabtanay karon sa duruha si Luis Manzano nga giingong uyab na gyud ni Angel.

Pwes, na-corner sa PangMasa adtong milabay nga gabii si Atty. Joji Alonzo, lawyer nila ni Piolo Pascual ug Sam Milby sa ilang kaso batok ni Manay Lolit Solis, ug legal counsel usab ni Becky. Mihangyo matud pa si Atty. Alonzo nga dili pangutan-on kalabot sa duha ka matinee idols busa ang isyu kalabot sa aktres ug sa talent manager niini ang giistoryahan.

Tinuod ba nga karong February na mo-expire ang kontrata ni Angel kang Becky hinungdan nga sa aktres o kang Ms. Malou Santos of ABS-CBN/Star Cinema na modiretso ang makig-istorya o makignegosasyon sa aktres?

Gitin-aw ni Atty. Alonzo nga si Ms. Malou na man gyud ang diretsong makig negosasyon para ni Angel sukad mibalhin kini sa ABS-CBN, samtang co-manager niini si Becky. 

Sa nasayran niya, two years ang contract ni Angel kang Becky ug sa December pa karong tuiga kini matapos. Wala siya masayud sa isyu nga nagbungol si Angel ug Becky, ni Atty. Alonzo pa.

Robin ug anak,  nagpanindot og stunts

Naghugyaw ang mga sakop sa entertainment press nga mitambong sa press launch sa labing bag-ong action/ drama serye sa GMA-7, ang Joaquin Bordado tungod sa mga live action scenes nga gipakita ni Robin Padilla ug sa anak niyang si Kylie nga gipakpakan og maayo tungod sa ka nindot niining mosayaw.

Makakugang pud matud pa sa PangMasa ang mga stunts ni Kylie samtang nakig-away sa mga goons samtang nag-harness ug naglupad lupad, matud pa napakita gyud niini ang iyang ka maayo sa Muay Thai. 

Wala hinuon mahinabi sa PangMasa si Kylie tungod kay human sa presentasyon milakaw na kini kay gigutom tungod sa iyang action scenes.

Dugang sa PangMasa, hugyaw usab ang gipakita ni Robin nga stunts ug gipakita usab niya ang siyam ka tattoes sa iyang lawas nga mabuhi aron batukan ang mga kaaway ni Robin as Joaquin Bordado sa story. 

     Happy usab si Carlo J. Caparas, ang author sa nobelang gihimong salida sa telebisyon, ingon man ang wife niyang si Donna Villa nalipay sa hugyaw nga presentation, ug niya pa nakita niya kang Robin ang hiniusang Fernando Poe, Jr., Joseph Estrada, Ramon Revilla ug Eddie Garcia, kinsa apil pud sa cast.

Mark, bun-og sa Joaquin Bordado

Tungod sa taping sa My Only Love maong wala makatekang si Mark Herras sa anniversary concert ni Jennylyn Mercado sa Zirkoh adtong Sabado sa gabii.

Dunay imbestasyon si Mark para sorpresahon si Jennylyn adtong gabhiona. Pero niya pa, wala gyud siya makaipsot sa taping nga gabii na kaayo na pack-up.

    “Gusto ko talagang pumunta. Bakit naman ako tatanggi, eh magkaibigan naman kami ni Jen. Kaso ‘yung taping nga ng My Only Love ang naging priority ko. Pero I heard na punung-puno raw ang Zirkoh. Nagpaabot naman ako ng congratulations kay Jen,” nagkanayon si Mark ngadto sa PangMasa.

Hinuon wala na siya magpada og regalo sa special baby shower ni Jennylyn atol sa concert niini tungod kay dili siya buot nga hatagan og laing meaning ang iyang ipadala nga gasa.

Samtang next week makita na si Mark sa telefantasya nga Joaquin Bordado isip igsuon ni Robin Padilla. Matud ni Mark bun-og gyud iyang lawas sa maong show tungod sa mga fight scenes niya.

   “Iba kasi ang mga fight scenes namin dito. Si Kuya Binoe mismo ang nagdidirek sa amin. Kaya mas intense at kailangan nakikinig kami para ‘di kami magkamali.

Leandro Muñoz ug Judy Ann mag-reunion

Siguradong malipay ang mga kanhi fans ni Leandro Munoz tungod kay subli siyang maaninaw sa telebisyon. Tsika sa PangMasa dunay special participation si Leandro sa sa teleserye ni Judy Ann Santos and Derek Ramsay nga “Habang May Buhay” nga kahinumduman nga pipila ka eksena didto himoa sa USA recently.

Si Leandro, kanhi leading man ni Juday. Nagkauban sila sa  “Isusumbong Kita sa TAtay Ko” with the late Fernando Poe, Jr. ug nasundan kini sa “Kahit Isang Saglit”  with Piolo Pascual nga kahinuduman nga super blockbuster sa takilya.

Sa USA na naka-base si Leandro kauban ang iyang igsuon nga nag-artista pud, si Carlo.

Pwes, pagtekang sa cast sa Habang May Buhay didto sa US para sa taping, nahunahunaan sa staff nga hugyaw nga ideya kung iapil si Leandro sa serye.

Ang nakaparat lang mao nga wala pa matino kanus-a isalida ang “Habang May Buhay” sa ABS-CBN. (Ryan Mark)