PAK!! Palpak o Pakpak

Palpak ang taping sa Eat Nata adtong Martes diha sa Danao, City gumikan kay matud pa “unprofessional” ang crew sa Audioman Services kansang mga ekipo sama sa camera, audio, boom mic plus monitors, maoy giabangan sa nahisgutang local show sa Eat Bulaga. Ang nasagap nga tsika sa Banat Hugyaw, alas otso sa buntag ang call time nila, apan miabot ang crew pasado na 10a.m.

Dismayado ang director sa maong show nga si Paulo Mercado tungod kay ala una na pasado nasugdan ang taping tungod kay matod pa niya, “handy cam gidala instead of  PD170 broadcast cam. Nya di magamit ang boom mic kay wa magda og sakto nga cable ug connector. I even asked them before they (crew) boarded the van kung kumpleto na  ba equipment ana sila, yes.”

Pwes, ang nahitabo ang usa sa mga hosts nga si Cutie del Mar, wala makasakay sa iyang flight paingon sa Manila  niana untang pagka alas dos sa hapon.

Tubag: Matod pa sa Branch Manager sa Audioman Services nga si Inday Caspe nga wala gyud nila tuyoa ang maong nahitabo ug maong nadugay pag-abot ang ilang service tungod kay dugay ni-andar ang ilang sakyanan human kini gipatubilan.

Mihangyo si  Caspe nga magsinabtanay lang unta sila kay adunay panghitabo nga dili malikayan sama sa nahitabo nila sa miaging adlaw. (Julie Christy Barredo, USJR Masscomm. Intern)

Pakpak:  Hugyaw ang gipakitang professionalism ni Cutie del Mar atol sa nahisgutang taping tungod kay matud pa wala pay call time milugwa na siya sa venue. Hinuon, matud pa nga permanente gyud nga sayo o mag-una og abot si Cutie, apan ang naghimo niyang dalaygon niining tungora mao nga gihilantan diay ang nahisgutan nga host ug nagsige pa og suka suka, apan wala gayud moreklamo o mipalta sa maong taping. Since Sunday pa diay ang hilanat ni Cutie. Suma pa nga matag higayon nga mag-una og abot ang maong host sa venue sa taping, sa simbahan kini magpundo. Sa maong sitwasyon, gikan sa Banat Hugyaw, masipang pakpak alang kanimo Cutie del Mar!

Palpak: Dismayado ang mga fans sa Kimerald tungod kay nakabatyag sila uyab na sila si Gerald Anderson ug Empress Schuck. Tsika pa nga nadawat sa Banat Hugyaw mao nga gisumsuman na kini karon ang relasyon nila ni Gerald ug Empress sa ABS-CBN compound sa Quezon, City. Tungod niini, hayan buwagon na lamang sila si Kim Chiu ug Gerald isip mag-loveteam, ug possible nga last project na lamang nila together ang Maligno, kauban si Claudine Barreto ug Diether Ocampo nga isalida human sa Patayin sa Sindak si Barbara.

Pwes, kinahanglan nga dunay pagpasabot si Gerald niini, or else ma-palpak ang ilang kahago ni Kim isip loveteam, kun dili na unya mosuporta pa nila ang ilang mga fans.

Pakpak o palpak? Text sa, 09295886046