Maraming feedback na tiyak na mapapansin na si Isabel Oli sa Maging Akin Ka Lamang, ang opening salvo ng GMA 7 para sa 2008.
Ipo-portray niya kasi ang character na originally ay ginampanan ni Lorna Tolentino sa pelikula.
Sa nasabing pelikula kasi napansin si Lorna at ito rin ang ini-expect ng karamihan sa portrayal ni Isabel sa nasabing Sine Novela.
Kung sabagay, matagal-tagal na rin namang dapat napansin si Isabel lalo na nga’t ang lakas naman ng dating niya.
Kaya lang ang emote ng ilan, bakit sina Nadine Samonte at Polo Ravales lang ang pinu-push para sa nasabing Sine Novela? Supposedly main character din si Isabel at ang partner niyang si Carlo Aquino.
Speaking of Carlo, na-corner ito sa launching ng Maging Akin Ka Lamang. Ayun, inulan siya ng tanong tungkol kay Maja Salvador na biglang naging controversial dahil sa umano’y ‘lihim’ nilang relasyon.
Say ni Carlo, hindi niya girlfriend si Maja contrary sa sinasabi ng marami na siya ang mas pinaboran kesa sa manager nitong si Tita Chit Ramos.
“Naku hindi ho. Minsan totoong lumalabas kami pag pareho kaming walang trabaho kasama ang pamilya namin, siguro once every two weeks,” katwiran ng batang aktor.
Sinasabi kasi na sa bahay na halos nila natutulog si Maja. “Magagalit po ang mama niya. Hindi po totoo ‘yun,” diin nito.
Matagal na raw ang relasyon nila ni Maja pero lihim na lihim at ito raw ang nagturo para mag-rebelde sa manager. Pero hindi raw lahat totoo yun.
At any rate, mag-partner sila ni Isabel sa Maging Akin...
Tanong nga namin kung sinong mas matangkad sa kanila ni Isabel, siya raw. Unless magsuot ng four inches ng heels si Isabel, sabi ni Carlo.
Anyway, ang Maging Akin.. ay obra ng batikang namayapang si Lino Brocka. Magsisimula na itong mapanood sa Lunes, Enero 21. Sina Dina Bonnevie, Christopher de Leon, Jay Ilagan at Lorna Tolentino ang main characters nito sa pelikula.
Makakasama rin sa Maging Akin Ka Lamang (tv version) sina Alicia Alonzo, Juan Rodrigo, Pinky Amador, Dexter Doria at Arci Muñoz.
Mula sa direksyon ni Gil Tejada Jr. (SVA)