Malakas ang ulan kahapon pero hindi nagpaawat sa motorcade sa Laguna sina Paolo Contis at Alfred Vargas.
May kinalaman pa rin sa Banal ang motorcade nina Paolo at Alfred.
Tuwang-tuwa ang mga taga-Calamba dahil nakita nila nang personal ang aking mga alaga.
Bago ko makalimutan, nagkausap na pala sina Ina Alegre at Cesar Apolinario.
Panay ang sorry ni Cesar kay Ina dahil nalimutan niyang mag-thank you sa produ ng Banal noong awards night ng MMFF.
Na-excite yata nang husto si Cesar sa kanyang best director award kaya na-forget niya na i-acknowledge si Ina.
* * *
Guest mamayang hapon sa Showbiz Central si Lian Paz na shocked pa rin dahil wala silang formal break-up ni Mark Herras.
Wondering si Lian dahil hindi niya talaga alam ang rason ng pag-ayaw sa kanya ni Mark.
Iba-ibang mhin ang nali-link kay Lian pero wala raw totoo sa mga intriga na ibinabato sa kanya. Ganoon?
Basta ako naniniwala na hindi mag-e-emote si Mark na wala siyang ebidensya na pinanghahawakan. Si Mark pa na hindi naniniwala sa tsismis maliban na lang kung siya mismo ang saksi!
* * *
Thank you kay Mama Consoliza Laguardia dahil sa MTRCB Deputy Cards form na ipinadala niya sa akin.
Nag-expire noong December 2004 ang MTRCB Deputy Cards at tinupad ni Mama Consoliza ang kanyang pangako na ire-renew niya ang aking ID na malaki ang pakinabang ko dahil nagagamit ko tuwing makikiihi ako sa mga sinehan. Thanks again Chairman!