Giingong pinayohot ang Ferrari 2006 model nga gigamit gamit karon sa TV host nga si Willie Revillame sulod na sa usa ka buwan. Ang balita sa 24 Oras kagabii nagkanayon nga dinhi sa Cebu narehistro ang maong sakyanan ug P1M ang nabayran nga buhis.
Pero dihang gisusi matud pa sa head office sa Bureau of Customs walay record of registration ang maong sakyanan, buot pasabot wala kini mobayad og buhis.
Aminado hinuon ang mga otoridad nga dili ngalan ni Willie ang narehistro nga tag-iya sa maong luhong sakyanan.
Ang kampo ni Willie, pinaagi sa abogado niini mihimakak nga dunay ingon niini nga sakyanan ang TV host, ug namahayag nga mutubag sila kun duna man ugaling imbestigasyon.
Basketbolista, rason sa Mark-Lian break-up
Basket player matud pa ang hinungdan sa panagbuwag nila ni Mark Herras ug EB Babe Lian.
Tsika sa beteranang kolumnista sa PangMasa Manay Lolit Solis, nasakpan ni Mark nga nakig-date sa maong player ang iyang ex-girlfriend.
Pero nakalimot si Manay Lolit unsay ngalan sa maoing basketball player, ug wala siya’y plano nga mangutana ni Mark kay niya pa nagdugo pa gayud ang kasingkasing sa young actor hangtud karon.
Paneguro hinion ni Manay Lolit, dili na maigbalik si Mark kang Lian tungod kay dili kini buhat sa young actor.
Apan, si Mark sa 24 Oras kagabii miingon nga kakuwang sa oras ang hinungdan sa ilang panagbuwag tungod kay pareho silang busy ni Lian.
Detractors ni Jennylyn, nagpatakag kwenta
Giintriga ang gisabak ni Jennylyn Mercado nga dili kang Patrick Garcia tungod kay si Mark Herras matud pa ang amahan niini.
Dunay migawas nga tsismis nga nakit-an sila si Mark ug Jen nga migawas sa President’s Tower sa may Timog adtong December 10, 2007.
Pero matud pa sa PangMasa, sayop ang petsa tungod kay December 10, 2006 pa nagkauban sila si Mark ug Jen, nga adtong panahona manag-uyab pa ug dunay gitambungang showbiz function.
Si Mark sa balita sa 24 Oras mihangyo nga dili na lamang siya iapil-apil sa pagsabak ni Jennylyn tungod kay dugay na silang nagbuwag niini. Nanghinaot na lamang siya nga magmalipayon sila si Patrick ug Jen.