Gituohan nga daghan unya ang mahugyaw ni Jodie Sta. Maria sa iyang papel sa Patayin Sa Sindak si Barbara sa Dos kay makakahadlok gyud ang aktres sa maong serye.
Lakip usab sa maong serye ang sikat nga TV host nga si Kris Aquino nga matud pa nga maabot na sa tulo ang iyang program sa Dos, ang kasamtangang Boy and Kris , Will of Fortune nga makita na karong Enero 14 ug ang Patayin sa Sindak si Barbara nga ipakita na usab karong Enero 7.
Daghan ang nangutana kung dili ba kaha mapul-an ang mga viewers kay katulo na makita si Kris sa usa ka adlaw.
“Hindi naman, kasi three weeks lang ang Patayin sa Sindak si Barbara, so ganun pa rin, two shows pa rin definitely,” nagkatawang tubag ni Kris.
Samtang, wala magmalipayon ang Pasko ni Kris kay sa ospital sila nagsaulog niini uban sa tibouk nilang pamilya nga gilangkuban sa iyang mga igsuon kay ang iyang inahan nga si kanhi Presidente Corazon Aquino mitaas presyon sa dugo niini nga miabot sa 220.