Third party ang giingong rason sa pagbiya ni Sunshine Cruz sa ilang panimalay kauban ang tulo ka mga anak nila ni Cesar Montano, nga posibling hingpit gayud nga mogun-ob sa ilang kaminyuon.
Una nang nanggawas sa blind items ang maong paglayas ni Sunshine sa ilang panimalay niadtong Disyembre 25, adlaw mismo sa Pasko.
Ang Brazilian model nga si Marianna del Rio, kinsa gipakita nga misayaw og Samba sa usa ka TV commercial para sa corned beef ang gitumbok nga hinungdan sa gihugonhugon nga panagbuwag nga hugtanong gihimakak ni Cesar.
Ang tsika nga nasagap sa PangMasa mao nga September pa nakaila ni Cesar si Marianna ug gipatuo pa kini sa actor nga buwag na sila ni Sunshine.
Aron hingpit gayud nga mutuo, giingong gidala pa ni Cesar si Marianna sa Bohol, ug gipakita nga wala nay bisan usa ka litrato ni Sunshine ang makita sa ilang balay didto. Gisuroy usab matud pa ni Cesar ang maong Brazilian sa ilang resthouse sa Bulacan.
Sa cellphone matud pa, “Samba” ang codename ni Cesar alang sa dalaga, ug gani diha nay mga higayon nga nabasahan ni Sunshine ang mensahe nga nagkanayon: “ Honey, where are you?”
Laing tsika nga nasagap sa PangMasa mao nga nabuking ni Sunshine ang kabuang ni Cesar human usab makit-I sa aktres ang mga litrato sa actor kauban ang modelo, nga kuha atol sa party sa “Mano Mano”.
Giingon gisukit sukit ni Sunshine ang suod nga higala ni Cesar labot sa mga litrato, ug walay nahimo ang maong higala kun dili ang pag-angkon nga dunay relasyon ang actor ngadto sa modelo.
Dugang pa sa PangMasa nga niadtong Pasko nakonprontasi na ni Sunshine si Cesar labot ni Marianna, apan matud pa siya na nuon ang gikasab-an sa iyang bana ug gipahinumduman pa sa iyang pagka bold star niadto.
Matud pa nga mibuhi og masakit nga pulong si Cesar ngadto ni Sunshine, nga daw nagpasabot nga angay pa nga magpasalamat ang aktres nga gipakaslan siya sa aktor.
Apan sa interview sa PEP kang Cesar iyang giklaro nga nangluod lamang si Sunshine ug dili tinuod nga buwag na sila. Dugang pa niya dili usab niya mahimong pasakitan si Sunshine tungod kay mahal niya kini kaayo ingon man ang iyang pamilya.
“ Oh, one of those tampuhans lang ng mag-asawa ito,” pa-casual nga tubag ni Cesar ngadto sa editor in chief sa Yes! Magazine nga si Ms Joan Maglipon. “One hundred percent ng Filipino couples, nagtatampuhan. Hindi ito naiiba sa 100 percent na ‘yan. Tampuhan lang ‘yan, no big deal.”
Apan dihang giingnan nga duna nay pamahayag si Sunshine labot sa giingong panagbuwag na nila nga namantala sa Philippine Star kagahapon, miseryoso si Cesar ug miingon nga “”I would like to be honest. Meron kanya-kanyang version ang anumang tampuhan. Wala akong mabibigay na version ko, and this is to protect my children. Hindi lang ako ang Montano, sila rin. I have my story to tell, pero not now.”
Brazilian model natarantar, nahadlok
Disesais anyos pa diay ang giingong, Brazilian model nga si Marianna del Rio, gikan mismo sa suod nga higala niini nga ginganlan og Carla de Mesa, kinsa gika-chat sa PEP ug midepensa sa dalaga.
Gibutyag ni Carla ngadto sa PEP nga tua pa si Marianna sa Brazil pagkakaron, ug labihan ang kaguol niini mahitungod sa pagkalambigit sa maong kontrobersiya.
Giklaro niya Carla nga walay relasyon si Cesar ngadto sa modelo, makapamatuod siya niini tungod kay kanunay sila nga kuyog sa nahisgutan nga Brazilian, ug niya pa imposibli ang migawas nga taho nga naglambigit sa 16-nayos nga dalaga.
Gibutyag ni Carla ngadto sa PEP nga nagkaila sila si Marianna ug Cesar sa airport sa Bohol last September, pero daghan sila niadtong higayona.
Suma pa niya, nga mianha sila sa Bohol alang sa modeling engagement samtang si Cesar naa adtong higayona tungod sa premiere sa pelikula nga Gawad Kalinga.
Giangkon niya ngadto sa PEP nga tinuod nga gidala sila ni Cesar sa balay niini sa Bohol, nagmeryenda sila apan usa ra sila ka oras ug mibiya na dayon.
“They went there for pictorial for a movie. Kaso di na matutuloy...’di nagkasundo sa presyo. Marami kasing naka-line up na commercial so mas priority yun. Isa pa, nahihirapan si Mariana sa Tagalog.”
Suma pa ni Carla, tinuod nga wala silay nakita nga hulagway ni Sunshine sa balay nila ni Cesar sa Bohol. Sa Bulacan niya pa, igo lamang miingon si Marianna nga “ hindi pa tapos ang house.”
Gitug-an usab ni Carla nga tinuod nga nagkaistorya si Sunshine ug Marianna ug mipasalig ang modelo ngadto sa aktres nga dili kini angay mabalaka tungod kay “purely business” ra ang iyang relasyon ngadto sa actor.
Giklaro usab ni Carla nga gidapit sila ni Cesar alang sa Pinoy Mano Mano pero wala sila makatambong bisan makausa, hinungdan nga gihagit niya ang nag-ingong dunay hulagway ang actor ug ang modelo, sa pagyagyag niini