Nahimong malampuson kaayo ang kasumaran sa ikaduha nga anibersaryo sa Bisrock niadtong miaging Huwebes, Disyembre 20, nga diha gipahigayon sa 626 Tapsilogan sa Lapulapu City nga giulohan og “Bisrock 2nd Anniversary and Christmas Party”.
Gisalmutan kini sa mga bandang Agipo, Assembly Language, Fervent, Station Avenue, What’s The Frequency, Wet Slippers, Kabobo, Ret Dem, ug Gangrene. Alegre kaayo ang maong kagabhion kay nahimo pud kadto nga bonding dili lang sa mga banda hasta pud sa mga bisrockers nga mitan-aw atong higayona.
Kahibalo gud kita nga ang BISROCK dili lang sa mga banda kundi apil napud ang bisrockers nga walay paglubad ug paghupas ang suporta niini ug mao gyud ang usa sa mga hinungdan ngano nagpabilin ug nagpadayon lang gihapon hangtud karon ang rakrakan sa Bisrock.
Nagsugod ang tanan niadtong Disyembre 22, 2005 diha sa Casbah Resto Bar sa River Gate sa Gen. Maxillom Avenue. Nag-abot Bisrock bands Aggressive Audio, The Ambassadors,Phylum, Timeslot,Jimmycycle, Blood of the Stone, Gangrene. That night was a night to remember. Matawag pud nato nga lakip na sa kasaysayan sa Bisrock.
Niadtong miaging tuig 2006, sa gipahigayon sa Handuraw Events Cafe sa Old Cuaco bldg. Mabolo ang 1st Bisrock Anniversary. Giulohan kini og Bisrock Evolution! Karon tuiga gihimo lang nga petsa Disyembre 20 tungod sa nagkadaiyang hinungdan. Lakip na ana ang kaapiki sa panahon, ang availability sa mga banda kay mag isig panguli napud sa ilang tagsa tagsa ka probinsya; apil napud ana mga estudyante nga mga bisrockers kay Christmas vacation na baya.
Ang dakong pangutana karon kung hangtud asa kaha kutob ang maabtan sa Bisrock??? Ang tubag wala kita masayod!!! Pero ang masulti ko lang nga hangtud magpabilin gihapon ang kainit ug kadasig natong tanan sa pagsuporta sa atong kaugalingon pinulongan, sigurado gyud kini gihapon magpadayon...!