Mahinayon ang kiha sa GMA-7 batok sa ABS-CBN may kalabutan sa gikagubtan ug gi-question nga AGB Nielsen Survey.
Tsika sa beteranang kolumnista sa PangMasa, Manay Lolit Solis nga nahilom una ang isyu tungod kay Pasko pa man, apan mahinayon gayud kini.
Kahinumduman nga napungot ang GMA-7 tungod kay gitumbok sila sa usa ka report sa DZMM, radio station sa ABS-CBN, nga maoy gipasabot nga network nga nagpaluyo sa gireklamo nga AGB Nielsen survey sa Bacolod, City.
Ang report nagkanayon nga ang manager sa maong survey firm ang miangkon niini atol sa usa ka interview.
Apan, matud sa GMA-7, iresponsabli, malisyoso ug walay basehanan ang maong taho tungod kay ang maong manager mibutyag sa affidavit niini nga walay lig-ong ebidensya nga molambigit sa GMA-7 sa maong anomaliya. (Ryan Mark)