SEEN: Matatag pa rin ang relasyon nina Vhong Navarro at Desiree del Valle. Nakita ang dalawa na nag-shopping sa Trinoma noong Lunes. Umiiwas na magkuwento ang dalawa tungkol sa kanilang relasyon para hindi ito maintriga. Maraming qualities si Desiree na gustong-gusto ni Vhong.
SCENE: Maganda ang reviews sa Raw Energy, ang two-night concert ni Jericho Rosales sa Music Museum noong October ngunit hindi nakaalala na magpasalamat si Jericho o ang kanyang manager sa mga pumuri sa concert niya. Naiintindihan na ngayon ng PSG (Pilipino Star Gossip Group) ang ugat ng patuloy na pagtamlay ng showbiz career ni Jericho. Hindi siya marunong magpasalamat.
Napag-usapan ng PSG si Jericho at ang mga tao na nagpapatakbo sa career niya dahil mabilis ang kanilang reaksyon kapag hindi pabor sa kanya ang mga balita ngunit hindi sila marunong magpasalamat kapag positibo ang mga artikulo.
SEEN: Mababa ang ratings ng mga TV show noong Linggo. Abala ang mga tao sa kanilang Christmas shopping. Inuna nila ang pamimili ng mga regalo kesa panonood ng telebisyon. Hinuhulaan ng PSG na tatagal hanggang Bagong Taon ang mababang rating ng mga TV show tuwing weekends.
SCENE: Mabigat ang akusasyon sa mag-asawang Jessica Rodriguez at David Bunevacz. Kung talagang wala silang kasalanan sa mga ibinibintang ng kanilang mga business partner, dalhin nila sa korte ang problema dahil ito ang proper forum, hindi ang pagsusumbong sa media. Awatin nila ang mga sarili sa pagbibigay ng statement sa mga showbiz talk show at entertainment writers. Lalo lamang magiging masalimuot ang isyu. Walang pakialam ang mga tao sa kanilang problema. Pagpipistahan at pagtsitsismisan lamang sila. Ang tsismis ang favorite past time ng mga Pilipino na sandaling tinatakasan ang mga sariling problema sa pagkukuwentuhan tungkol sa buhay ng ibang tao.
SEEN: May special participation sa Katas ng Saudi ang Pinoy Dream Academy scholar na si Davey Langit. Walang speaking lines si Davey. Ipinakita lamang siya na nagbabantay sa grocery na pag-aari ng karakter ni Bayani Agbayani at ng asawa nito.
Si Joey Reyes ang scriptwriter at direktor ng Katas ng Saudi. Siya ang nagbigay ng break kay Davey para magkaroon ito ng exposure sa pelikula. Isa si Joey sa mga naging teacher ng mga PDA scholar.