Malampuson ang gibitoonan nga stage play ni Daniel Radcliffe, ang revival sa Peter Shaffer’s play Equus diin siya maoy bida isip si Alan Strang, nga tig-atiman og mga kabayo. Gihangop ang maong play didto sa London ug gidayeg og maayo ang performance ni Daniel tungod kay matud pa dunay gilawom ang atake niya sa iyang mga eksena. Sa usa ka eksena sa play, gipakita nga naghubo gyud si Daniel o mas naila nga Harry Potter, sa tibuok kalibutan.
Sa 2008, dad-on na ang maong play sa New York, apan karon pa lamang nakuyawan na si Daniel tungod kay matud pa labihan ka hinawayon ug ka critical sa mga tawo didto, basin unya og dili mauyonan ang iyang performance.
Samtang, wala pay 2008, pistahi una kining maong publicty pic ni Daniel nga hubo gayud siya, diin bisan og hagbay na kini migawas padayon pa gihapong gikagubtan sa Internet hangtud karon.