Sa ka busy sa schedule ni Ara Mina posibleng sa Enero 2008 pa siya maka-taping sa Prinsesa Ng Banyera isip kontrabida ni Kristine Hermosa.
Matud kuno sa usa ka staff sa PNB nga busy kaayo karong holiday season si Ara tungod kay daghan kuno kining raket hinungdan nga mihangyo kining humanon lang una niya ang mga nauna niyang gibuhat karon.
Apan hangtod karon gusto pa gihapon si Ara Mina nga makaila sa usa ka midaog pagkakonsehal sa Manila nga si Numero Lim kinsa tawgon og “Uno” sa kadaghanan.
Kaniadto pa kunong super-crush si Uno sa sexy actress ug bisan kinsa nga mga reporters ang gisukit-sukit niini kung buotan ba ug aduna bay uyab si Ara tungod kay dili kuno gusto sa maong konsehal ang magsamok-samok sa duna nay karelasyon.
Daghang nagsulti nga available gyud kaayo si Ara ug ang actress usab nangutana kung “gwapo” ba si Uno tungod kay gikatahong hilig kini sa gwapo ug mga nindot og barog nga mga lalaki hinungdan kuno nga sige lang kining “maloko”.