“We’re All In This Together”
Hi OkRyanians!
Sa milabay nga semana gibalik balik nako ang paghangyo kaninyo, nangintawon ko aron kamo mopakli niining pahina sa Banat News karong adlawa tungod kay para kini kaninyo, para natong tanan. Kung sa OkRyan sa dyLA 909 khz, nagpangapagaw ang akong tingog sa pag-ingon og, “this is your show, this is our show,” karong adlawa moingon na pud ko og , “OkRyan, your column, our column!” Pak! Yes, mga OkRyanians tungod kay kun unsay mugna nato sa kahanginan matag alas tres hangtud sa alas kwatro sa hapon, Lunes hangtud sa Biyernes, mao usay mamahimong sultada dinhi sa OkRyan Banat Hugyaw Edition, matag semana. Check! OkRyan, ang inyong tinubdan sa labing lab-as nga mga balita sa showbiz ug column nga walay lipod-lipod nga mosaway sa mga artistang pasaway!
Sa tinuod, wala ko magdahom nga muabot kining maong adlaw nga gikan sa kahanginan molandig ang OkRyan sa mantalaan isip column. Dili hinambog daghan na ang nagdasig aron kini mamugna, apan niadtong mga panahona dili pa ako kumbinsido nga kadto na ang tukma nga panahon. Kini tungod kay sa sinugdanan, pipila lamang ang mamati sa haponon natong programa sa radyo. Apan sa paglabay sa usa ka tuig ug unom ka buwan sukad ta unang nag-uban sa kahanginan, nasabtan nako nga nagkadaghan na ang maminaw nga mga binuhat nga nagtawag na karon sa ilang kaugalingon og “OkRyanians,” dili lamang sa Visayas ug Mindanao, kun dili hasta na sa pipila ka bahin sa Luzon. Tungod niana, walay katapusang pasalamat ang akong masukli sa mao ninyong suporta nga gipauwan niining ubos ug uyamot ninyo nga higala. Salamat nga bisan sa daghang panahon magsumpaki ang atong mga baruganan sa mga isyu sa showbiz, nga usahay mosampot pa sa personal nga tinubagay og text messages, nakig-uban mo sa adlaw nga tanan. Busa dayon kamo, ug himamata ang mga “hugyawera ug hugyawero” nga matag karon ug unya mopadayag pud sa ilang mga huna-huna dinhi niining nagkalig-on nga pamilya sa Banat Hugyaw, sukad nahimugso niadtong
Apan unsa may nagtukmod nako aron sa hingpit ipadayon nato ang atong panag-uban dinhi niining pahina, sukad kita nagkahibalag sa kahanginan niadtong
Alegre ang nahitabong recording nilang duha niadtong milabay nga semana tungod kay sa OkRyan ra mahitabo nga magpangutan-anay silang duruha sa mga pangutana nga buot nilang ibato ngadto sa usag-usa apan wala sila makabaton og higayon tungod sa higpit nga kompetisyon nila diha sa lokal nga telebisyon kaniadto. Of course, naistoryahan ang rating ug ang kaluha nga emosyon dihang mibukal na og maayo ang panagtigi sa duha ka mga shows kaniadto. Ug sanglit hangtud karon daghan man gihapon ang mangutana unsay tinuod nga rason nganong kalit nga nanamilit ang Jud Morning, pwes maggikan mismo sa baba sa natungdan ang tubag sa maong pangutana, diin gipaabot nga mahatagan na og katin-awan ang naglibog ninyong mga huna-huna. Ug aron matagbaw gayud kamo sa espesyal nga dalit sa OkRyan karong hapon, sanglit mao man usab kini ang rason nga nahimugso kita dinhi niining pahina sa Hugyaw karong adlawa, wala pud makaipsot ang pangutana kabahin sa gugma. Duna ba silay uyab? Paminawa lang. Pak!
Karong adlawa usab mapun-an na pud og laing tuig ang akong edad. It’s a dream come true nga dungan nga mitekang sa OkRyan ang duha sa mga suod nako nga higala sa industriya, nga sa bisan sa kadako na sa ilang mga ngalan, wala managko ang mga ulo ug wala sila lamya sa baba sa kabantog. Now, instead of greeting me a happy birthday, regalohe ko pinaagi sa pag-ingon og OkRyan, your column, our column! Pakpak!
Reach me gihapon sa 09286252596, alang sa inyong mga reactions, suggestions ug bisan unsa lang may kalabutan ang local ug national showbiz.
- Latest
