Back to basics ang drama karon sa Miss World 2007, nga tapuson pinaagi sa coronation night didto sa Sanya, China karong Sabado.
Balik sa naandan tungod kay wala nay pre-pageant TV special sama sa milabay nga tuig; wala nay "Vote For Me" special, ug wala nay "Beach Beauty," ingon man "Talent" TV special. Hinuon nagpabilin ang fast track events sama sa Beach Beauty,
Sports, Talent, ug Beauty with a Purpose. Gibalik usab ang Top Model search, nga gihimo na sa milabay nga katuigan.
Dili na "by continents' ang pagpaila sa 106 ka mga kandidata, ug pagahukman sila pinaagi na gayud sa desisyon sa mga hurado nga panguluhan ni Julia Morley. Pwes, karon pa lang daghan na ang nag-atang unsaon pagpaila ang mga kandidata ug unsa usay hitsura sa entablado.Kini tungod kay matud pa sa mga beauty critics, dili paigo ang 10 seconds nga gahin alang sa matag kandidata aron pagpaila sa ilang kaugalinon, ug sigurado nga madismayado ang mga tigpaluyo sa matag usa kun ingon ra niana ka mubo ang gahin aron makit-an ang pambato sa kada nasud.
Fast Track Winners:
Top Model: Miss China (Zi Lin Zhang)
Beach Beauty 2007: Miss Dominican Republic Ada De La Cruz
World Sports: Miss USA (Abigail McCary)