Bidlisiw nga misamot kahayag

Daghan kaayo ang mga nangutana kung hain na karon ang atong World Singing Champion nga pure Bisdak gyud?  Pagkahuman sa atong Pop Sensation Showdown kalit lamang siyang nawala ug nahilom. Nahanaw sa eksena, matud pa.  Nan gusto ba mo makahibalo kung unsa na ang mga nahitabo sa iyang singing career? Pwes, sa walay pagduhaduha mga suki nato sa Banat Hugyaw akong naBischika ang atong bida one day sa dihang nag- Yahoo Messenger ang akong beauty.

And take note sa dihang nag web cam ming duha ni kapatid Rizza nilugwa sa cam ang gwapa kaayong Eat Bulaga host nga Ciara Sotto.  Hala noh? Unsang pagkahitaboa nga naa man siya? and take note Bischikahan galore pud ang among beauty…Read on mga suki!

Ang atong Kapusong Rizza Navales atua na karon sa Las Vegas para sa usa ka musical play entitled “Fever” nga magsugod na karong Disyembre.  This play is a remake of familiar tunes all sounding new with solo renditions and harmonies of six young women depicting the agonies and triumphs of falling in love through song and dance. Sa pagkakaron grabe kaayo ang ilang rehearsals sa grupo nga adunay miyembro nga tulo ka may dugong bughaw, tulo ka male back up singers ug tulo ka Pinoy nga walay lain kundi ang atong World Singing Champion Rizza Navales, Eat Bulaga host Ciara Sotto ug ang igsoon ni Lani Misalucha nga si Karlyn Bayot. And take note silang tulo roommates pa gyud.

“Walay exempted kapatid” (as in Kapatid ang tinawganay namo ni Rizza).  Bischika ni Rizza kay bisag adunahan kining si Ciara diri sa Pilipinas pero motabang kini  og panglimpyo sa ilang lawak.  Gipangumusta nako si Ciara sa iyang lovelife ug ang iyang gitubag? “Masayang-masaya ako ngayon”, with matching kaon sa chocolate.  Dili tinuod ang mga hungihong nga buntis si Ciara Sotto, ako pud siya gi Bischikahan sa bag-ong programa produced by Tape Inc. ang Eat na ta! nga magsugod na karong November 24 matag Sabado 11:30 – 12:00 noon hosted by sikat nga motambag sa mga adunay mga problema talk to Papa himself Papa Jo; ang gwapa kaayo nga si Cutie Del Mar ug ang stand up comedianne sa 22nd street Cerj. Ang samang programa mabati sa radyo 99.5 RT and 999KHZ dySS sa samang oras Lunes hangtud Biyernes with Papa Jo and the very bubbly, huggable and lovable Chupeta.

 Balik una ta ni Rizza Navales. Nasayran nga kining maong oportunidad dugay na gitanyag, tuig 2005 pa sa dihang nag-guest siya sa birthday party ni Lani Misalucha sa Las Vegas.  Bisan sa ka busy sa ilang schedule ang grupo nilang Rizza adunay mga higayon nga imbitahon para mag-perform, usa sa ilang mga performance kay nahitabo sa Ceasars Palace Hotel where Celine Dion also performs. Dili lang kay kana lang,  naka-perform sila sa Pure, ang numero unong night club sa Las Vegas nga didto nag-perform usab ang Pussycat Dolls.  Ang latest performance nila mao ang atol sa victory party ni Manny Pacquiao sa last fight niini  didto sa Vegas. PagkaHugyaw sa akong kapatid Oi!

Sa tinuod lang gimingaw na si Rizza nato ug gusto siya mahibalik dinhi sa Sugbu pero iya lang giantos ang kamingaw kay kining tanan para sa iyang pamilya. Malipayon ug dako kaayo ang iyang pasalamat sa Kahitas-an ning maong oportunidad nga miabot sa iyang kinabuhi. Dili makalimot si Rizza sa pag-ampo sa Diyos ug sa atong mahal na patron Senyor Santo Niño nga magmaayo ang iyang pag-estar  sa Las Vegas. Sa dihang gipangayuan nako siya og mensahe mao kini ang iyang Bischika:  ”To my family, all my friends and also to my co-hosts of Oi! Yuri and Recca and to the rest of the staff... Guys I miss you very much, I miss the fun being in the show and I wanna thank all the Cebuano’s who supported our show Oi, and keep on watching all the tv programs of GMA 7".  Ug message pud nako para sa akong shofang kapatid Rizza Navales “Keep soaring and see you soon again! Mwah!