Hello, mga manash? Sorry gyod kaayong na- bitin mo sa akong istorya atong Sabado. Ato tong sumpayan, para ma-kompleto ang sugilanon sa mga panghitabo ug masayran ninyong dili pulos kalipay ang showbiz, ug duna say mga luha ug mga kasakit.
Nanglimbawot man god ang akong balhibo sa pagduol gyod ni Mr. Raymond Uytengsu Kokseng nako ug nagpaila siya nga pag-umangkon siya sa kanhi classmate nako nga si anhing Tirso Uytengsu, Jr., kay wa man ko magdahom nga may mahinumdum pa sa pagka classmate namo ni anhing Tirso Uytengsu, Jr., labi na kay namatay man to siya sa second year high school pa mi [tuig 1952, take note], ug wa makatiwas sa high school, [The same line, “you don’t know me, but I know you…you are the former classmate of my uncle… Tirso Uytengsu, Jr…” ].
Wa matiwas ang among istoryahanay, gihatagan lang ko niya sa iyang calling card, kay miabot na man ang mga artista, ug magsugod na ang presscon, pero nasayop pa gyod si Ms. Neda Avidente pag-acknowledge sa mga sakop sa E-Group nga nanambong, ug ang nabasa niya ang nanambong sa presscon sa movie nilang Aga Muhlach ug Maricel Soriano nga mibiya pod ko kay shooting lagi pod ko. Wa na lang pod ko makapangutana, kay nagdali na sab ko’g report sa shooting, kay importante pod ang akong esena sa “Tres Metros” Nagdali kog sakay og taksi paingon sa Liloan, pero samtang nagdagan ang taksi, sige kong text sa akong mga kauban sama nilang Jun Abaincia, Pakol, Val Relatado, Wilnard Banzon ug tulo ka inano, pero check operator na ko, so milahos na lang gyod ko sa Liloan, ug didto ko magpa-load. Mi text na sab ko, nagpahibaw kong coming na ko, ug unang ni reply nako si Jun Abaincia ug ang reply niya, “Tay, ayaw na lag ari, kay tua si Pepe sa Cortes Hospital, wa madayon ang shooting” Ang una nakong pagtoo, si Pepe ang giatake, kay daan na to siyang na-high blood, Biyernes pa, kay dili na magamit ang sakyanan nga gigamit namo sa shooting sa Huwebes nga dunay continuity ug madaot ang continuity, labi na kay ang gihatag nga sakyanan, colored, ug ang unang nakuhaan, puti!
Pero ni-text si Pakol, ‘Kriss, ayaw na la’g ari, wa madayon ang shooting, kay giatake si konsehal George, gidala nilang Pepe, Maui [Auxilio-scriptgirl] ug Bobong {Val Relatado-boom man] sa Cortes Hospital, paapason ka didto. My God! Gipabalik na sab nako ang taksi nga nagpaingon na unta sa sitio Tiwasan sa barangay Catarman sa Liloan [ang among location], ug gipaharos nako’g padagan paingon sa Cortes Hospital diin naabtan nako si Maui nga naghilak na, kay wa na gyod matabang si 1st Catarman re-elected barangay councilor Jorge Pepito, ang workaholic ug very concerned member sa Bantay Dagat sa Liloan, ug gibawi-an na gyod sa iyang kinabuhi.
Ang istorya ni Bobong, ready na gyod unta ang tanan alang sa wedding scene nilang Che Che [Cherry Halang] ug Boyoyoy [Jesus Sarda, Jr.] pero mikaon pa og linung-ag mais si Konsehal, unya, namatikdan na lang nila nga midungoy busa ilang gipanid-an, unya natumba busa ilang gitabang. Ang paet, way laing sakyanan kun dili tricycle ra paingon sa lungsod, ug didto nas lungsod naabtan pod nila ang grupo sa “Prototaloy” nga nag-shooting, busa, way langan, gigamit ang sakyanan sa “Prototaloy’ nga gimaneho sa leading man nga si Joey Cosep.