Yess, mga manash, duha ka chapters ni rong akong istorya, kay dili gyod puwede’g usahon lang kay taas man kaayo; ug kun ihurot namong Ryan Mark ang usa ka istorya sa usa lang ka issue, wa na’y space para sa ubang istorya, so kining istoryaha ron, to be continued sa Tuesday, kay dili sab ko gustong laktod laktoron ang mga panghitabo, only very recently nga gamay’ng detalye inyong nabasa sa report ni Romeo Limpangog last Monday sa last column sa page 3 sa Banat News [November 12]. Pero sugdon gyod nako ang istorya sa part one, kay ang report ni Romeo Limpangog [Kagawad Nga Artista Giatake Samtang Nag-shooting}, kabahin na man to sa part two. So, mao ni ang nahitabo sumala sa akong side, kay nasayod na man mo nga usa sab ko sa mga artista sa “Tres Metros” [aminin].
Sabado man gyod to, no? November 10, 2007, ug gikatakda nga mangabot ang duha ka artista sa pelikulang “One More Chance” nga sila si John Lloyd Cruz ug Bea Alonso, aron sa pag-promote sa maong movie. Unya, kay Star Cinema man ni, ang antique collector nga si Josie S. Pereyra maoy nagdala sa promotion, so di gyod mahitabo nga wa sab ko, kay dili man mosugot si Ms. Josie nga wa ang duha niya ka live human antique collections nga sila si Mariles Abellanosa ug Manang Krizanta [yours trully].
Pagpaingon namo sa airport, kuyog pod ang gwapa kaayong dili matata ang beauty nga si Mae Salvador [sa sales sa ABS-CBN], ug ang younger secretary sa JSP nga si Cecile, ug ang super alalay nga si Jocelyn, wa gyod mi laing gihisgotan kun dili, KAMATAYON! The possible death of any of us, including the possible death of someone very very close to Josie, Edgar and Chona P. Escalante; the possible death of an executive from Viva Films who is suffering from cancer, and the sudden demise of the late Joven Badana of Viva Films who passed away only last month. Pero giistoryahan ni namo, jokingly amidst laughter nga wa gyod mi masayod nga dunay laing drama nga mahitabo samtang gipahigayon ang presscon nilang John Lloyd Cruz ug Bea Alonso diha sa Dimsum Break sa Banilad Town Center pagka 2:00 p.m.
Balik una ta sa pagtagbo namo sa mga artista, bisa’g naghatod na mi nilang John Lloyd ug Bea ngadto sa Waterfront Hotel, wa pa gyod mi laing gi-istoryahan kun dili, kamatayon sa mga artista, hangtod naabot mi’s Dimsum, labi na pag-istoryahanay namo sa usa sa tag-iya ug tag-iya sad sa General Milling [ug Golden Cowrie, Harbor City, Ding Qua Qua, Sunburst ug uban pa], nga si Mr. Raymond U. Kokseng, ang VTK Marketing Corporation [distributor ug dealer sa GMC], nga ang gihisgotan namo, ang iyang uncle nga ka batch nako sa Class ’55 sa USC School for Boys nga wa katiwas sa high school kay na-crush ang ayroplanong gisakyan ug namatay, si anhing Tirso Uytengsu, Jr. Wa ko motiwas sa presscon, kay naghigwa-os na kong mo-report sa shooting sa “Tres Metros” kay importante sab ko, kay ang esena, wedding ug kinahanglang naa gyod ko, kay may dialogue ko. So, taas na gyod ni kaayo, pasayloa gyod nga sa Tuesday na ang mahinuklogong sumpay sa pag-abot nako sa location sa “Tres Metros” [part two to be continued].