SEEN: Sa pangatlong pagkakataon, muling pumasok sa Pinoy Big Brother house si Kris Aquino at dito nagpagmasdan ng PSG ang kanyang katabaan.
Namumutok ang pisngi at malaki ang mga braso ni Kris dahil malaki ang nadagdag sa kanyang timbang. Kung gusto ni Kris na mapabilis ang kanyang pagpayat, kailangan na niya ng liposuction procedure pero siguradong hindi ito mangyayari sa Belo Medical Clinic.
Hindi na bumalik ang magandang samahan nina Kris at Dra. Vicki Belo dahil sa Hope Centeno-James Yap controversy.
SCENE: Nawalan ng saysay ang pagmamalaki ni Biboy Ramirez na magaling lamang sa pagsipa si Michael Roy Jornales dahil siya ang natalo sa kanilang laban sa Mano-Mano, Celebrity Boxing Match noong Sabado.
Sumobra ang tiwala ni Biboy sa sarili. Nalimutan niya na martial arts expert si Michael Roy. Tinalo si Biboy ni Michael Roy. Makatulong sana ang Celebrity Boxing show para sumigla ang mga showbiz career nina Michael Roy, Biboy at ng mga aktor na kasali dahil hindi sila mga busy.
SEEN: Nabigo ang media na makapanayam si Beyonce Knowles nang dumating ito sa Ninoy Aquino International Airport noong Martes nang hapon.
Kaway at ngiti lamang ang ibinigay ni Beyonce sa mga photographer at reporter na naghintay sa paglapag ng kanyang private jet sa NAIA. Nag-check in si Beyonce at ang kanyang entourage sa Mandarin Hotel, Makati City.
SCENE: Hindi consistent ang celebrity entertainment columnist sa kanyang mga isinusulat. Noong isang araw, halatang-halata na si Piolo Pascual ang subject ng kanyang blind item na tungkol sa aktor na sobra ang closeness sa kapwa aktor. Sa mga sumunod na araw ng kanyang column, pinupuri niya si Piolo. Imposible na hindi alam ng celebrity entertainment writer na siya ang tinutukoy ng Seen/Scene dahil kilala niya ang kanyang sarili. Siya rin ang nagbibigay ng idea sa readers para pagdudahan ang kanyang credibility.
SEEN: Legendary ang pagiging selosa ni Ethel Booba. Mahilig din siya na pumatol sa mga cheap issues. Dahil nasa loob siya ng PBB house, hindi pa alam ni Ethel na siya ang pinagbibintangan sa pagkalat sa Internet ng nude picture ng kanyang bagets boyfriend na si Janvier Daily.
Patas na si Ethel at ang kanyang boyfriend. Kung may nude picture si Janvier, may malaswang video naman si Ethel na itinanggi nito noong kasikatan niya pero inamin nang mawalan ng ningning ang inabuso niyang career.