Niadtong Miyerkules gibisita pud ni Angel Locsin ang lubong sa iyang ex-boyfriend nga si Mico Sotto sa Loyola Memorial Park.
Kada tuig gyud nga walay palta nga moduaw si Angel sa lubong ni Mico, pero mas gusto niya sa kadlawon, before or after sa Kalag Kalag, kay wala kaayo’y tawo.
Ugma back to work si Angel alang sa “Lobo” tungod kay matud pa niya pinaspasan na gyud ang ilang taping.
“At saka, grabe, talagang pinagaganda nang husto ng mga direktor namin. Kaya sana, abangan at subaybayan nila kapag naipalabas na dahil talaga pong napakaganda,” tsika pa niya ngadto sa PangMasa.
Nangandam na pud si Angel alang sa launching sa iyang negosyo nga pagabuksan with her business partners, ang Angel Active nga usa ka sports line.
Karong buwana gitakda ang launching niini. -- Ryan Mark