Hello mga Kabischika! Pila kabuok ninyo diha ang motuo nga “The way to a man’s heart is through his stomach?” –Fanny Fern (1811-1872). Matinuod man ni or dili, motuo gyud ko ani nga adage. Pero unsa kaha kung ako kining usbon: “The way to my heart is through my stomach.” Hehehehehe.
Kung gibati ka man og kagutom karon ayaw kabalaka kay pinaagi sa akong Bischika sure gyud ko nga mabusog mo sa akong lab-as nga pakighimamat sa usa ka ambungan nga celebrity Chef sa programa sa GMA’s morning news show, Unang Hirit——wala’y lain kundi si Chef Tristan Encarnacion.
Pinaagi sa usa ka event diha sa SM City Cebu Department Store, gidala sa Sunnex Kitchen Wares ang atong ulitawo nga chef. Nakahagit gyud og daghang tawo si Chef Tristan pinaagi sa iyang cooking demonstrations sa mga nagkalain-laing mouth-watering recipes. Gamit niya ang Sunnex Tristan Chef’s Collection kun diin ang mga participant ug visitors were treated to a very lively cooking demo nga puno sab gyud sa information gikan sa atong young sizzling chef.
Sizzling gyud ang mga panghitabo hilabi na nga in fairness, complete attendance ang maong event and hosted by Recca of Oi! Show Nato Ni! nga pwerting lingawa! Ngano kaha? Kay sa akong pagkahibalo nagtextmate naman sila karon? Unsa’y pasabot ani ate Recca? Nahanaw na ba sa eksena si Papa Marti? Hehehehe . . . kining tipik nga pangutana atong mahibaw-an pag abot ni Papa Marti karong January 2008. Atangi na ninyo.
Bata pa ang atong Chef. Sa pangidaron nga 25- anyos iyang gidumala ang iyang Bambouch Bistro nga naa mahimutang along Congressional Avenue in Quezon City. Pero dili pud sayon ang iyang giagian nga dalan. Bisan og nagdako siya sa usa ka family nga mahiligon moluto, wa gyud mosud sa iyang huna-huna nga mamahimo siyang usa ka sikat nga celebrity chef ug magkacareer sa pagluto. Mao nga ang iyang gikuha nga kurso pag-college kay Mass Communications sa University of Sto. Tomas tungod kay pangandoy niya mamahimong reporter. Pero sa dihang nahibaw-an niya nga ang Center for Culinary Arts (CCA) naa na sa Manila, nagdali siya og ingon sa iyang parents nga mobalhin siya ug mokuha og culinary course nalang. Pero matud pa niya, ang tinuod kuno niyang rason kaniadto nganong mag-culinary siya kay nahadlok siya nga dad-on siya sa iyang parents sa America ug didto na paeskwelahon.
Matud pa niya, ang unang tuig niya sa CCA sayon ra. Nalingaw siya og kat-on og mga bag-ong recipe, ingon man suway usab og mga bag-ong klase sa pagluto sa pagkaon. Pero diha na sa iyang second year siya nakaamgo nga dili diay lalim ang mamahimong chef tungod kay mentally ug physically exhausting kuno ni. Haaaay, mokaon nalang kos imong linuto Chef Tristan Oi! . . . Hehehehehe. Pero dinhi sab niya narealize nga cooking was something he wanted to do for the rest of his life.
Sa dihang mipanaw ang iyang daddy nga si Jun Encarnacion, miadto siya sa US ug mitrabaho sa usa ka bag-ong hotel sa Florida. Una niyang trabaho didto mao ang paghimo og burgers by the beach. Matud pa niya, sa US kuno niya nakat-unan how to become independent.
Iyang experience sa US taught him how to appreciate and respect people nga nagkalain-laing kultura. Ug sa dihang mibalik siya sa Pilipinas, narealize niya nga gimingaw siya pag-ayo sa iyang family mao nga nakadecide siya nga mo stay nalang for good. Nakatrabaho usab siya sa usa ka sikat nga restaurant sa Manila unya nakadecide nga mamahimong percussionist sa pipila ka acoustic bands . . . Haaaay, papa Tristan samtang nagkaon mi, tukari sab mi ha para nindot ang among background music . . . hehehe . . . how sweet . . .
Pero pag December 2005 nakadawat siya og tawag gikan sa GMA 7’s morning show “Unang Hirit”, ug gipangutana siya kung ganahan ba siya mamahimong guest chef nila. Wa siya magdahom nga katong one-time guesting niya mamahimong weekly gig ug makapausab sa dagan sa iyang life.
Simple ra gyud kini si Chef Tristan sama sa iyang unang pangandoy nga makita sa TV. Ang iyang pagkahilig sa pagluto nakuha niya kini sa side sa iyang inahan ug mismo ang iyang pamilya mahilig gyud kini moluto. “Fried Rice ug Pasta“ tubag ni Chef Tristan ang unang haon niya sa iyang pamilya. Para kay Chef Tristan mas dali siya maka-adjust sa iyang mga ingredients nga iyang mga lutuon meaning to say if asa man siya moadto sama sa pag–ari niya sa Sugbu pwede siya magbutang og mga ingredients nga adunay tatak nga Cebuano.
Pero unsa pa man ang lain mokumpleto niya aside sa iyang mga luto? “Gusto ko isang Cebuana”. NaHugyaw ko sa tubag ni Chef Tristan sa dihang akong gipangutana kung unsa ang gusto niya sa usa ka babaye kay available man siya karon. Mas nisamot ang akong pagduda nila ni ate Recca kung unsa gyud ang ilang real score. Si Ate Recca ba kaha ang gipasabot niya? Mas ni tingkag ang akong dunggan nga mas ganahan siya nga ari mo settle kung siya lang ang pa but-on ug kung makakita man gani kini og partner mas ganahan siya nga ari magtukod sa iyang ikaduhang branch nga bistro.
Feeling nako na inlove siya sa lugar o di ba kaha sa duha ka adlaw nga nagkuyog sila ni ate Recca. Gipukaw ba kaha ang iyang nahikatulog nga kasingkasing? Hmmmm . . . I smell something fishy . . . Atangi ninyo ang dagan sa istorya diri lang sa Banat Hugyaw!
Ang inyong kinaham nga Banatanay nila ni Vatski ug Garry Lao, mobalik sunod buwan.