Non-exclusive ang kontrata ni Dina Bonnevie kaya kahit katatapos lang ng Natutulog Ba Ang Diyos sa Dos ay magte-teyping ito ng bagong teleserye sa Siete na magsisimula sa susunod na buwan. Balik-Kapuso ang aktres kung saan inamin nitong ayaw niyang maging kontrabida.
Sa kabilang banda, kahit sampung taon ang tanda niya sa kanyang boyfriend ngayon ay compatible naman daw silang dalawa at kung talagang sila nga ang magkapalad ay payag na rin pakasal ang aktres sakaling yayain siya nito.
Valerie, Sunud-Sunod Ang Project
Maganda ang takbo ng career ngayon ni Valerie Concepcion dahil bukod sa pagiging co-host ng Wowowee sa Dos ay balitang may gagawin itong gag show.
Bukod pa rito, may gagawin din siyang pelikula under Star Cinema katambal si Vhong Navarro.
Ngayon pa lang ay excited na ang magandang aktres na makapareha ang komedyante.
Anak Ni Gladys, Nag-Aaral Na
Masayang ibinalita ni Gladys Reyes na naka-isang taon na ang kanilang negosyong sabon na KSA na nasa Metropolis, Alabang kung saan ang nag-aasikaso ay ang asawang si Christopher Roxas.
Ang kanilang anak naman na si Kristoffe na magdadalawang taon na sa January ay nag-aaral sa Learning Play School. Lumalaki itong bibo at kinatutuwaan ng kanyang titser dun. Matalino kasi ang bata at magaling ding sumayaw at kumanta ayon sa ina.
Sa kabilang banda, may gagawing talk show si Gladys sa NET 25. May nakalinya ring teleserye sa Siete ang aktres kung saan kontrabida na naman ang papel na gagampanan niya.
Review Ng Stardust
Nagustuhan tiyak ng mga bata ang pelikulang Stardust na palabas pa ngayon dahil isa ito sa pinakamagandang fairy tale movie. Outstanding si Michelle Pfeiffer sa pelikula bilang si Lamia kung saan isa siyang mangkukulam na may dalawang kapatid na mangkukulam din.
Naatasan siya na dukutin at patayin si Yvaine (Claire Danes) na isa siyang bulalakaw na nagkakatawang tao. Kung makukuha nila ang puso ni Yvaine, magbabalik ang kanilang kabataan at kagandahan.
Isa sa pinakamagandang bahagi ng pelikula ang pagtatapat ni Yvaine sa nilalaman ng puso matapos gawing daga si Tristan (Charlie Cox). Ang tunay na kahulugan ng pag-ibig ay ipinakita sa pelikulang ito.
Isa sa nakatutuwang karakter dito ay Robert de Niro bilang flying pirate (Captain Shakespeare) na kapag nakaharap sa mga alagad ay machung-macho pero kapag nag-iisa ay nagme-make-up at nagsusuot babae. Ang Stardust ay mula sa Solar-UIP.
PASASALAMAT: Sa advanced b-day gift nina Angel Locsin, Ela Colmenares, Becky Aguila at iba pa.