Young actor na may karanasan sa bakla, target ng isang milyonaryo

Tama nga siguro ang desisyon ni Eric Quizon na balikan muna ang kanyang pagiging isang actor. Una, tatlong taon na rin naman siyang nagdirek ng mga serye sa telebisyon, at siguro nga kung iyon nang iyon ang gagawin mo, naka­kasawa rin naman. Ka­hit na anong galing mo, imposibleng hindi ka maubusan ng ideya.

Isa pa, hindi naman siguro maikakaila ang katotohanan na mas malaki ang kinikita ni Eric bilang isang actor. Bilang isang actor ay leading man caliber na siya, at di hamak na mas malaki ang bayad sa mga artistang nasa ga­noong level na kaysa sa pinaka-magagaling mang director.

Ngayon nag-artista siyang muli. Leading man na naman siya sa pelikula nilang Hide & Seek. Sabi nga ni Eric, minsan daw hindi niya ma­iwasan ang mag-suggest, na ginagawa naman niya noon pa mang araw kahit na hin­di pa siya nagdi­direk ng pelikula o kahit sa tele­bisyon lang. May ideya naman kasi talaga si Eric sa pagdidirek dahil na rin sa kara­nasan niya sa pelikula.

Maski naman ang mga beterano nating mga director ay nanini­wala sa kakayahan ni Eric. Mabuti naman at naiintindihan yon ng ka­ni­lang director. Kung tutu­usin, mas ok naman ang ganoon eh. Kasi ang pagbuo ng isang peli­kula, team effort na­man talaga dapat yan.

Mas mabuti nga iyong ganoong nagbi­bi­gay siya ng mga sug­ges­tions, at mga ideya niya dahil nakakatulong iyon sa ikagaganda ng peli­kula. Kasabihan na ngang more heads are better than one. Eh si Eric, hindi naman yan maramot sa kanyang mga ideya kaya nagse-share siya kung anu­man ang nalalaman niya.

* * *

Hindi namin masisisi si Martin Nievera kung makapagsalita man siya at magbigay ng com­­ment sa naging in­terview ni Pops Fer­nan­dez sa isang local magazine. Expected na namin iyon, lalo na nga’t nadamay sa usapan ang kanyang girlfriend na si Katrina Ojeda. Natural lang dahil sila ang nagsasama sa nga­yon, kailangang de­pen­sahan naman siya ni Martin sa mga ba­gay na nasabi ni Pops.

Maliwanag ang pani­niwala ni Martin na kaya nagsalita ng ganun si Pops ay para pala­ki­hin ang issue dahil su­mama ang loob nito sa sina­sa­bing pagtawag ni Ka­trina sa kanyang mga anak ng “monkeys”, ka­hit na nilinaw na noon pa man ni Martin na muk­hang mali nga ang pagkakaintindi ng nag­sumbong kay Pops sa nasabi ni Katrina.

 Palagay din naman namin, mukhang tama si Martin na hindi na dapat pang inungkat kung anuman ang na­ging prob­lema nila si­yam na taon na ang na­kararaan. Tu­tal may kan­ya-kanya na rin na­man silang buhay.

* * *

Ang target ng isang gay millionaire ngayon ay isang young male star na medyo nagpapa-sexy na rin ng image. Pilit na ipinagta­ta­nong ng gay millionaire kung totoo raw ang tsis­mis na bago naging ar­tista ang young male star ay may kaugnayan na rin ito sa mga gays na na­katira malapit sa ka­nila. Mas­yado raw  interes­ted ang milyonaryo pati sa mga kuwen­tong nag­pa­pa­ha­la ang male star sa isang se­menteryo ma­la­pit sa kanila.