Abswelto na si Nora!

Magiging  masaya   na nga­yon si Nora Aunor at ang pamilya niya. Tapos na kasi ang kaso niya. Maka­ka­­hinga na siya ng malu­wag dahil abswelto na siya. Hindi na siya makukulong. Pati ang mga anak niya, hindi na siguro ma­kakarinig ng masama tungkol  sa kanya. Siguro naman uuwi na siya ngayon para ipagpatuloy ang kanyang career dito. Siguro naman hindi ito naapektuhan ng mga pangyayari. Isang magaling na ta­lento si Nora at meron pa siyang ma­iaambag sa industriya.

* * *

Dasal ko rin na maayos na ni Snooky ang buhay niya. Hindi dapat kahirapan ang sagot sa isang may talentong tulad niya. Marami siyang pwedeng gawin sa buhay niya. Pwede siyang mag-artista at kumita sa pelikula, TV at maski na sa stage. Kailangan lamang ay tamang atti­tude para makamit niyang muli ang pagtitiwala ng mga producer.

* * *

Masaya ang naging pagdiriwang ng birthday ko. Nagpapasalamat ako sa GMA 7 sa naging suporta nila, gayundin ang mga namamahala nito, lalo na si Atty. Gozon, Mr. Duavit, Wilma, Mari­vin at lahat-lahat na, pati na rin sina Ogie at Janno.

Salamat din sa staff ng mga progra­mang Sis, SOP at iba pang programa ng Kapuso na nagbigay ng birthday presentation para sa akin.

Sa isang selebrasyon ko sa Pilita’s du­mating ang dating Unang Ginang Imelda Marcos at nakipagsaya ito sa mga dumating. Game din itong nakipag-duet kay Pilita Corrales ng “Dahil Sa Iyo”.

Sa lahat ang nakaalala at nagbigay kahulugan sa aking kaarawan, maraming salamat po.

* * *

Wala palang dahilan para mag-alala ako kung mapupuno o hindi ni Billy Craw­ford ang Araneta Coliseum sa kanyang It’s Time concert. Hindi naman umalog ang Araneta Coliseum. Kung nagkaro’n man ng kaguluhan ito ay dahilan sa walang katapusang paghingi ng manonood ng en­core. Na pinagbigyan naman ni Billy. Naiyak pa nga ito sa kanyang huling pagba­balik dahil hindi niya expected na ganun ka-init siyang tatanggapin ng kanyang mga kababa­yan. Si Billy kasi, sa kabila ng kasikatan sa abroad, ay never lumaki ang ulo at never nakalimutan ang pinagmulan niya. Anu­man ang kasikatan niya ngayon, deserved niya dahil magaling siya and will always be humble.