Kolumnista gibastos ni Yasmien

Napatik na dinhi sa Banat Hugyaw ang komentaryo nga komedya sa kolumnista sa PangMasa nga si Ronnie Carrasco kalabot sa pus-on ni Yasmien Kurdi.

Kaniadto pa giklaro na ni Ronnie nga komedya ra niya dihang miingon siya nga tungod sa pus-on ni Yasmien, haom nga tawgon ang Sine Novela niini og “Puson Ko Ang Daigdig” inay “Pasan Ko Ang Daigdig.”

Pwes, nagkita sila si Yasmien ug Ronnie sa talent room sa Startalk niadtong Sabado sanglit ang maong kolumnista senior writer man pud sa nahisgutang programa.

Tsika ni Ronnie tataw nga naglagot gyud si Yasmien sa maong article gani miingon man kini nga ang hinungdan nganong lingin ang iyang pus-on mao ang iyang binuwan nga bisita.

Apan nagtuo si Ronnie og nahusay na sila tungod kay gipakita pa gani siya ni Yasmien makausa nga dili dako ang iyang pus-on.

Hinungdan nga nakugang siya sa reaction ni Yasmien dihang nakakita kini niya nga milugwa gikan sa CR

“What turned me off was Yasmien’s manner of address nu’ng makita niya ako. She half-shouted: “Ronnie!” Coming from a teenager na ang taong tinawag niya ay mid-40’s, may pagkabastos din pala ang Yasmien na ito! The least that I thought na puwede niyang itawag ay “tito” kung nababataan siya sa tawag na “kuya.” Ni wala ring po at opo sa mga pangungusap niya as though she was simply talking to her playmate.

“Bastos na bata,” birada ni Ronnie nga nangayo nang daan og pasaylo ni Manay Lolit Solis. Si Manay Lolit maoy talent manager ni Yasmien. -- Ryan Mark